Oyuk-o me ta avoʼontonik skotol li kʼusitik liʼe

¿Kʼusitik taje? Li ta Filipenses 4:8 chal ti jaʼ jnopbetik skʼoplal li kʼusitik melelike, li kʼusitik tsotsik skʼoplale, li kʼusitik tukʼike, li kʼusitik sakik skʼoplale, li kʼusi tstij koʼontontik sventa xijkʼanvane, li kʼusitik lekik skʼoplale, li lekil talelale xchiʼuk li kʼusitik sta-o kʼupil kʼoptaele. Taje maʼuk me skʼan xal ti solel jaʼ xa ta jnopbetik-o skʼoplal skotol ora li kʼusi chal Vivlia li yajtsʼaklomutik Kristoe. Pe jaʼ onoʼox me skʼan jnopbetik skʼoplal li kʼusitik lek ta xil li Jeovae, mu me jaʼuk jnopbetik skʼoplal li kʼusi xuʼ skʼunibtas ti kʼu yelan tukʼ kakʼoj jbatike (Sl 19:14).

Mu kʼunuk ta pasel ti muʼyuk ta jnopbetik skʼoplal li kʼusitik chopole. Skʼan jtsaltik li kʼusi chopol te oy ta jol koʼontontike xchiʼuk li Satanas ti jaʼ «li dios ta sventa li kʼusitik oy ta balumil liʼe» (2Ko 4:4). Ta skoj ti jaʼ oy ta skʼob li kʼusitik oy ta balumile, jutuk mu skotoluk li kʼusitik chkiltik ta television, ta Internet, li kʼusi chkiltik ta vunetik o li kʼusi chkaʼitik ta radioe muʼyuk lek ta xil li Jeovae. Mi muʼyuk ta jtʼujtik lek li kʼusi ta jtikʼ ta jnopbentike, ta me sokes li jnopbentike, vaʼun ta sjalile ta sok li jtalelaltike (Snt 1:14, 15).

MI LA AKʼELIK LI VIDEO MU ME JPASTIK LI KʼUSITIK TSKʼUNIBTAS LI STUKʼIL KOʼONTONTIKE: LI CHOPOL CHʼAYOB OʼONTONALE, TAKʼIK LI SJAKʼOBILTAK LIʼE:

• 

  ¿Kʼusi tskʼel ta stelefono li ermanoe xchiʼuk kʼusi svokol akʼbat?

• 

  ¿Kʼuxi koltaat li kʼusi chal Galatas 6:7, 8 xchiʼuk Salmo 119:37?