¿Mi ep sbalil chkiltik li Skʼop Diose?

Ta skoj ti jaʼ te likem tal ta stojolal Dios li Vivliae te chakʼ ta naʼel li snopbenal yuʼune xchiʼuk li kʼusitik yan tskʼan chakʼ ta naʼele (2Pe 1:20, 21). Kʼalal chalbe skʼoplal li mukʼul pasmantal yuʼun Diose te chakʼ ta ilel ti chakʼbe spatobil yoʼonton ta jelavel li krixchanoetike, yuʼun jaʼ xa ox tspas mantal li Ajvalilal yuʼun Diose. Jech xtok, li Vivliae te chakʼ ta ilel ti kʼu yelan li skʼupil talelaltak li Jtotik ta vinajel ti jaʼ li Jeovae (Sl 86:15).

Jkotoltik ep srasonal kuʼuntik ti oy sbalil chkiltik li Skʼop Diose. Pe ¿mi jech yakal ta jpastik? ¿Mi ta jchantik skotol kʼakʼal li Vivliae xchiʼuk mi chkakʼtik ta jkuxlejaltik li kʼusi ta jchantike? Skʼan me jech xkakʼtik ta ilel kʼuchaʼal li jtsʼibajom yuʼun Salmo ti xi laj yale: «Toj lec jc’anoj ta jyalel li amantaltaque» (Sl 119:97).

MI LA AKʼELIK LI VIDEO EP SBALIL LAJ YILIK LI VIVLIAE: JTUCHʼ VIDEO (WILLIAM TYNDALE), TAKʼIK LI SJAKʼOBILTAK LIʼE:

• 

  Li William Tyndale, ¿kʼu yuʼun la sjelubtas ta yan kʼop li Vivliae?

• ¿Kʼu yuʼun toj labal sba ti kʼu yelan laj yakʼ yipal sventa sjelubtas ta yan kʼop li Vivliae?

• ¿Kʼuxi kʼot yuʼunik ta Inglaterra li Vivlia la sjelubtas Tyndale?

• ¿Kʼuxi xuʼ xkakʼtik ta ilel ti ep sbalil chkiltik li Skʼop Diose?