KʼUSITIK KʼUPIL SBA TA VIVLIA | JENESIS 9-11
«Ta spʼejel li balumile jun noʼox li skʼopike»
Li Jeovae la sjelbe skʼopik li krixchanoetik ta Babel sventa spuk sbaik batele. Pe li avie yakal ta stsob epal krixchanoetik ta skotol lumetik xchiʼuk jeltos kʼopetik sventa xlik kʼopojikuk ta jun lekil kʼop sventa jech xlik skʼanik vokol ta sbi li Jeovae xchiʼuk ti jmoj xtunik ta stojolale (Sof 3:9; Ap 7:9). Li «lekil kʼope» jaʼ li kʼusi melel ta sventa Jeova xchiʼuk li kʼusi oy ta yoʼonton jech kʼuchaʼal chal ta Vivliae.
Sventa jchantik jun achʼ kʼope mu baluk noʼox ti jkomes ta joltik jpʼelantik kʼope. Skʼan jeltik xtok ti kʼu yelan ta jnoptike. Kʼalal chlik jchantik li «lekil kʼope» skʼan jel li jnopbentike (Ro 12:2). Skʼan jech-o jpastik batel, yuʼun jaʼ chakʼ ti tsobol oyuk li steklumal Jeovae (1Ko 1:10).