¿Buchʼutik yan xuʼ jtak ta ikʼel?

Jujun jabil nopem xkaʼitik ta jtaktik ta ikʼel krixchanoetik sventa xbatik li ta Konmemorasione, yuʼun toj tsots skʼoplal. Manchuk mi jaʼ mas ta jtaktik ta ikʼel li buchʼutik mu xkojtikintike, pe skʼan onoʼox jtaktik ta ikʼel ek li buchʼutik xkojtikintike. Yikʼaluk van xbat mi jaʼ takat ta ikʼel yuʼun li buchʼu xojtikin xa onoʼoxe (yb08-S paj. 11 par. 3; paj. 14 par. 1). ¿Buchʼutik xuʼ jtaktik ta ikʼel?

• Kutsʼ kalaltik.

• Jchiʼiltik ta abtel o ta chanun.

• Jlakʼnatik.

• Li buchʼutik yakal ta jvulaʼantike, li buchʼutik chkakʼbetik estudioe o li buchʼutik laj toʼox kakʼbetik estudioe.

Li moletik eke tstaik ta ikʼel li ermanotik ti bakʼintik xa chkʼotik ta tsobajele. ¿Kʼusi xuʼ xapas mi oy ta avoʼonton chatak ta ikʼel li buchʼu xavojtikin ti nom to nakale? Xuʼ xasaʼ bu ch-echʼ Konmemorasion ti bu nakal li buchʼu chakʼan chatak ta ikʼele. Xuʼ xasaʼ ta jpajinatik ta Internet ta jw.org ti bu chal «JKʼOPLALKUTIK», laje xuʼ xanetʼ ti bu chal «Snaʼobil». Yoʼ to mu xkʼot li yoraile, nopilano buchʼutik xuʼ xatak ta ikʼel.