¿Mi yakal xa chachapan aba ta sventa li Konmemorasione?

Toj tsots skʼoplal li slajeb Kʼin koltael la spas Jesuse. Ta skoj ti jutuk xa ox skʼan xchame, jmoj la spas xchiʼuk yajtakboltak. Xchiʼuk laj yalanbe mantal ti akʼo xlik spasik li Veʼlil ta bat kʼakʼal yuʼun Kajvaltik li vaʼ kʼakʼale. Jaʼ yuʼun, laj yalbe Pedro xchiʼuk Juan ti akʼo xbat xchapanik ti bu chjelav yuʼunike (Lu 22:7-13; kʼelo li lokʼol ta pajina 1). Taje chakʼ kiltik ti toj tsots skʼoplal ti skʼan kak xa noʼox jchapan jbatik li ta Konmemorasion ti ch-echʼ ta 27 yuʼun marsoe. Li moletik ta tsobobbaile kak xa noʼox ta stʼujik buchʼu chakʼ mantal, chchapanik xa onoʼox li pan, vino xchiʼuk li yan kʼusitike. Jaʼ yuʼun chaʼa, ¿kʼusi tskoltautik ta jujuntal sventa lek chapalukutik li vaʼ kʼakʼale?

Kak xa noʼox jchapan el li koʼontontike. Jnopbetik lek skʼoplal li skʼelel Vivlia sventa Konmemorasion ti te ta jtatik li ta foyeto Jkʼeltik skotol kʼakʼal li Skʼop Diose. Xuʼ jtabetik mas yaʼyejal li ta apendise B12 li ta Skʼop Dios sventa Achʼ Balumile xchiʼuk Programa xchiʼuk bu chijtsʼibaj ta avril ta 2020. Mi chakʼan chachanbeik skʼoplal xchiʼuk avutsʼ avalal kʼu yuʼun toj tsots skʼoplal li pojelale, xuʼ chatabeik mas yaʼyejal li ta Índice de las publicaciones Watch Tower xchiʼuk li ta Saʼobil sventa xchanik mas li stestigotak Jeovae.

Kalbetik yantik. Kakʼtik me persa spukel li vun li takel ta ikʼel ta Konmemorasione. ¿Buchʼutik xuʼ xkakʼbetik? Jrevisitatik, buchʼutik toʼox chkakʼbetik estudio, kutsʼ kalaltik xchiʼuk li buchʼutik xkojtikintike. Li moletike skʼan me teuk ta sjolik stakik ta ikʼel li buchʼutik yiktaoj sbaik ta mantale. Mi muʼyuk bu te nopol nakal li buchʼu ta jtaktik ta ikʼele, xuʼ me jkʼeltik ta jw.org ti jayib ora xchiʼuk bu ch-echʼ li Konmemorasion ti bu nakalike. Xuʼ xasaʼ ta jpajinatik ta Internet ta jw.org ti bu chal «JKʼOPLALKUTIK», laje xuʼ xanetʼ ti bu chal «Snaʼobil».

¿Kʼusitik yan xuʼ xapas sventa xachapan aba?