Li Jeovae chchabi li steklumale

Li baʼyel Kʼin Koltaele stuk noʼox jech kʼot ta pasel. Kʼalal laj yakʼ venta faraon ti chamem xa ox li sba xnichʼone, xi laj yalbe Moises li vaʼ akʼobale: «Likanik, lokʼanik batel li ta jteklumale, akʼo lokʼikuk batel ek li yan j-israeletike. Batanik, bat tunanik ta stojolal Jeova jech kʼuchaʼal laj avalike» (Eks 12:31). Li Jeovae laj yakʼ ta ilel ti ta onoʼox xchabi li steklumale.

Kʼalal ta jsabetik skʼoplal li kʼusitik kʼotem ta pasel li ta steklumal Dios avie te chkakʼtik venta ti jech-o yakal tsbeiltas xchiʼuk chchabi yajtuneltak li Jeovae. Taje jaʼ jech chvinaj li ta jun museo ti xi sbie: «Jun jteklum ta sventa li sbi Jeovae», ti te oy li ta smeʼ nail abtelale.

MI LA AKʼELIK LI VIDEO KOJTIKINTIK LI MUSEO TA WARWICK: «JUN JTEKLUM TA SVENTA LI SBI JEOVAE», TAKʼIK LI SJAKʼOBILTAK LIʼE:

• 

  ¿Kʼusi achʼ la stunesik li jchanolajeletik ta Vivlia li ta sjabilal 1914 sventa chakʼik ta ojtikinel li kʼusi melele, xchiʼuk kʼusi lek kʼot ta pasel yuʼunik?

• 

  ¿Kʼusitik vokolil la snuptanik li ermanoetik li ta sjabilal 1916 xchiʼuk ta 1918, xchiʼuk kʼuxi vinaj ti jaʼ yakal tsbeiltas s-organisasion li Jeovae?

• 

  ¿Kʼuxi tukʼ laj yakʼ sbaik li yajtuneltak Jeova akʼo mi laj yichʼik kontrainele?

• 

  ¿Kʼusi laj yaʼibeik smelolal li steklumal Jeova li ta 1935, xchiʼuk kʼu yelan laj yaʼiik?

• Mi oy ayemot li ta museo ta Warwick o ta yan museoetik ta Betele, ¿kʼusi laj yakʼ avil ti jaʼ tsbeiltas xchiʼuk chchabi steklumal li Jeovae?