KʼUSITIK KʼUPIL SBA TA VIVLIA | EKSODO 23, 24
Mu me jtsʼaklitik li epal krixchanoetike
Li ta Smantal Moisese, li Jeovae te laj yalbe jchanpanvanejetik xchiʼuk li buchʼutik chkʼotik ta testigo ti mu jaʼuk spasik li kʼusi chal li epal krixchanoetik kʼalal jaʼo oy buchʼu chichʼ chapanele. Li jchanpanvanejetike skʼan mu xtʼujvanik xchiʼuk li buchʼutik chkʼotik ta testigoe skʼan mu sjutik kʼop. Li beiltasele jtunel kuʼun ta jkuxlejaltik, yuʼun chal ti mu jts’aklitik batel li krixchanoetik ti tskʼanik ti jechuk jnoptik xchiʼuk ti jechuk jtalelaltik kʼuchaʼal stukike (Ro 12:2).
¿Kʼu yuʼun muʼyuk lek ti jechuk jtalelaltik kʼuchaʼal li krixchanoetik...
... kʼalal chkaʼitik ti oy buchʼu chloʼiltavane?
... kʼalal ta jtʼuj jkʼuʼ jpok’tik, kʼu yelan ta jtus joltik xchiʼuk li kʼusi ta jchʼay-o koʼontontike?
... kʼalal ta jnoptik ta stojolal o te jchiʼuktik li krixchanoetik ti yan-o slumalike, ti jelel kʼusi nopem xaʼiik spasele o ta stojolal li jkʼulejetik xchiʼuk li buchʼutik abol sbaike?