Tojobkutik Batel Mas Li Ta Cholmantale: Cholo mantal ta interfono

¿KʼU YUʼUN TSOTS SKʼOPLAL? Ta skoj ti epajem li j-elekʼetike, epal krixchanoetik tstunesik li kʼusitik achʼ chlokʼanuk talel sventa xakʼ ta snaik kamaraetik o interfonoetik. Xuʼ van chijxiʼutik mi ta jcholbetik mantal junuk krixchano ti jnaʼojtik ti skʼelojutik tale, pe ti mu xkiltik li voʼotike. Li tojobtaseletik liʼe, ta me skoltaot sventa mu xaxiʼ ta xcholel mantal ta junuk kamara o ta interfono.

¿KʼUXI TA PASEL?

• Mu me kʼusi chopol xanop. Li krixchanoetik ti oy skamaraik o ti oy s-interfonoike oy onoʼox ta yoʼonton chchiʼinotik ta loʼil.

• Teuk me ta ajoj ti oy junantik kamaraetik ti chlik spas gravar kʼalal skʼan toʼox xatij li timbree, jech xtok xuʼ van yakal xa chaʼi yajval na li kʼusi chavale xchiʼuk skʼelojot xa kʼalal chanopaj ta stiʼ snae.

• Mi la stakʼbote, nopo ti te xa akʼeloj li yajval nae. Stseʼetuk asat xchiʼuk jech xapas aba kʼuchaʼal nopem xavaʼie. Jaʼ xavalbe li kʼusi anopoj onoʼox chavalbe ti taluk sjam li tiʼnae. Mi oy junuk kamarae, mu xanopaj tajek. Mi muʼyuk la stakʼ li yajval nae, mu me kʼusi xaval komel.

• Teuk me ta ajol mi laj kʼopojane xuʼ me te skʼelojot o yakal chaʼi kʼusi chaval li yajval nae.