Kampanya sventa xichʼ pukbel skʼoplal li Ajvalilal yuʼun Dios ta noviembre

Li Jesuse laj yal «li lekil aʼyejetik ta sventa li Ajvalilal yuʼun [Diose]» xchiʼuk la xchanubtas krixchanoetik ti skʼanik ti xtal li Ajvalilal taje (Lu 4:43; Mt 6:9, 10). Li ta noviembree, ta xkakʼtik persa ta spukbel batel skʼoplal li Ajvalilal yuʼun Diose (Mt 24:14). ¿Kʼu yuʼun mu jpastik ti bu kʼalal xuʼ kuʼuntik sventa jechuk jpastik taje? Li buchʼutik chtunik ta prekursor auksiliaretik li ta u taje xuʼ jaʼ noʼox 30 o 50 ora xcholik mantal.

Li ta kampanyae akʼo persa ta skʼelbel junuk teksto yajval na ti bu kʼalal xuʼ avuʼun ti chalbe skʼoplal li Ajvalilal yuʼun Diose. Kʼalal mi la atʼuj li tekstoe, tsako me ta venta li kʼusi xchʼunoj li krixchanoetik ti bu chachol mantale. Mi oy buchʼu lek laj yaʼi li kʼusi laj avalbeik skʼoplale, akʼbo komel jlikuk Li Jkʼel-osil ta toyole numero 2 2020 (sventa skotol krixchanoetik). Sut noʼox kʼelo li krixchano taje xchiʼuk akʼo persa slikesel junuk estudio xchiʼuk akʼbo jlikuk vun li ta abtejebaletik sventa xijchanubtasvane. Li Ajvalilal yuʼun Diose jutuk xa tajek skʼan xakʼbe slajeb skotol li ajvaliletik ta balumile (Da 2:44; 1Ko 15:24, 25). Jaʼ yuʼun, kakʼbetik ta ilel Jeova xchiʼuk li Ajvalilal yuʼun ti bu kʼalal xuʼ kuʼuntik ti tukʼ koʼontontik ta stojolalike.