¡Alo batel ti poʼot xa xlekub li jkuxlejaltike!

Li ta noviembree chkalbetik skotol krixchanoetik ti poʼot xa xlekub li jkuxlejaltike (Sl 37:10, 11; Ap 21:3-5). ¿Kʼu yuʼun mu jchʼak jkʼakʼaltik sventa masuk to epuk jcholtik mantal li ta u taje? Li buchʼutik chtunik ta prekursor auksiliare xuʼ xcholik mantal 30 o 50 ora.

Kʼalal jaʼo yakal li kampanyae, tʼujo junuk teksto ti jaʼ chalbe skʼoplal li achʼ balumile, vaʼun akʼo persa ti epuk buchʼu xachanbee. Kʼalal chatʼuj li tekstoe, nopo kʼusi tskʼupin li jun krixchanoe. Mi lek laj yaʼi mantale, akʼbo jlikuk revista Li Jkʼel-osil ta toyol (sventa skotol krixchanoetik) ta numero 2 ta 2021. Mu toj jaluk xamala sventa xachiʼin ta loʼil yan velta xchiʼuk lik akʼbo estudio li ta foyeto Kʼupino akuxlejale. ¡Xijmuyubaj tajek ti chkalbetik skʼoplal li «lekil aʼyej ta sventa kʼusi leke»! (Is 52:7).

MI LA AKʼELIK LI KANSION TA VIDEO POʼOT XA XTAL LI ACHʼ BALUMILE, TAKʼIK LI SJAKʼOBILTAK LIʼE:

• ¿Kʼusi alakʼ sba tsnopbe skʼoplal li kʼox tsebe?

• ¿Kʼusi mas oy ta avoʼonton chakʼupin li ta achʼ balumile?

• Mi la anopbe skʼoplal li kʼusi chtal ta jelavele, ¿kʼuxi tskoltaot sventa masuk to xachol mantal li ta kampanya ta noviembree? (Lu 6:45).