Kampaña ta septiembre sventa xkalbetik skʼoplal li Ajvalilal yuʼun Diose

Li ta septiembree chkakʼtik persa yalbel skotol krixchanoetik ti jaʼ noʼox xuʼ slajes jvokoltik li Ajvalilal yuʼun Diose (Mt 24:14). ¿Kʼusi xuʼ xapas sventa xakoltavan li ta kampañae? Li vaʼ ue xuʼ xatʼuj junuk teksto ti chalbe skʼoplal Ajvalilal yuʼun Dios sventa xakʼelbe li yajval nae. Mi oy buchʼu lek laj yaʼi mantale, akʼbo komel Li Jkʼel-osil ta toyol numero 2 ta 2020 (sventa skotol krixchanoetik). Sut kʼelo li yajval na ti lek laj yaʼie, vaʼun likeso junuk estudio xchiʼuk li foyeto Kʼupino akuxlejal. Li buchʼutik ch-ochik ta prekursor auksiliar li ta septiembree xuʼ me 15 o 30 ora xakʼik.

Jutuk xa me skʼan xakʼbe slajeb ajvaliletik ta balumil li Ajvalilal yuʼun Diose (Da 2:44; 1Ko 15:24, 25). Kʼalal ta jkolta jbatik li ta kampañae, chkakʼtik ta ilel ti tukʼ chkakʼ jbatik ta stojolal Jeova xchiʼuk li Ajvalilal yuʼune.