Tojobkutik batel mas li ta cholmantale: Cholo mantal ta telefono

¿KʼU YUʼUN TSOTS SKʼOPLAL? Li cholmantal ta telefonoe xuʼ lek tsʼakal xkalbetik skʼoplal li mantal ta sventa li lekil aʼyejetike (Ech 20:24).a Tskoltautik sventa jcholbetik mantal krixchanoetik kʼalal mu xuʼ kuʼuntik o ti mu xuʼ xijbat ta snaike.

¿KʼUXI TA PASEL?

• 

  Chapano lek aba. Tʼujo kʼusi chaloʼiltabe li yajval nae. Vaʼun, tsʼibao li kʼusi chakʼan chavalbe skʼoplale. Jech xtok, mi la stakʼbot jun kontestadorae xuʼ baʼyel xanop kʼusi xuʼ xaval sventa xaval ti kʼu yuʼun lakʼopoj batele. Teuk me ta amexa li kʼusi la atsʼibae xchiʼuk yan kʼusitik ti xuʼ chtun avuʼune, jech kʼuchaʼal atavleta o yan kʼusi ti teuk ajamoj li JW Library^® o jw.org^®.

• 

  Mu me xavakʼ ta aʼiel ti chaxiʼe. Jechuk xakʼopoj kʼuchaʼal nopem xavaʼie. Stseʼetuk asat xchiʼuk jechuk xapas aba ti xkoʼolaj te akʼeloje. Mu xapajilan tajek. Mas me lek ti oyuk buchʼu xachiʼin ta cholmantale. Mi oy kʼusi la sjakʼbot li yajval nae, chaʼalo yan velta sventa skoltaot ta sabel stakʼobil li achiʼil ta cholmantale.

• 

  Oyuk kʼusi xajakʼbe sventa xapas li revisitae. Mi oy ta yoʼonton la avaʼi li yajval nae, oyuk kʼusi xajakʼbe sventa xatakʼbe mi la akʼopon ta telefono ta yan veltae. Xuʼ xavalbe ti chakʼan chavakʼbe jlikuk vune, albo ti xuʼ xatakbe batel ta korreo jlikuk vun, chbat avakʼbe o chavalbe ti bu xuʼ skʼel li ta jpajinatike. Jech xtok, xuʼ xatakbe batel junuk video o jun mantal ta junuk mensaje o ta korreo. Mi sta-o chavile, albo ti xuʼ oy kʼusi skʼel li ta jpajinatik ta Internete.