Xijmuyubajuk noʼox xijchanubtasvan

Kʼalal xijmuyubaj noʼoxe, chmuyubaj kuʼuntik li yantik eke xchiʼuk mas chchikintaik li kʼusi chkalbetike. Jech xtok, jaʼ jech chkakʼtik ta ilel ti ep sbalil li kʼusi chkaltike. Mu ventauk li jtsʼunbaltike o li jtalelaltike, jkotoltik xuʼ xijmuyubaj noʼox (Ro 12:11). ¿Kʼuxi xuʼ spas kuʼuntik?

Baʼyel, teuk ta ajol ti tsots skʼoplal li kʼusi chavale, yuʼun oy ta aba yalel li «lekil aʼyejetik ta sventa li kʼusitik leke» (Ro 10:15). Xchibal, nopbo skʼoplal ti xuʼ jkoltatik-o yantike, yuʼun skʼan xaʼiik li lekil aʼyejetike (Ro 10:13, 14). Yoxibal, ta sjunuluk avoʼonton xakʼopoj xchiʼuk lekuk ta kʼelel ti kʼu yelan chapas senyail ta asat o ta akʼobe.

MI LA AK’ELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. TOJOBKUTIK MAS: XIJMUYUBAJUK NOʼOX XIJCHANUBTASVAN, TAK’IK LI SJAK’OBILTAK LI’E:

• 

  ¿Kʼu yuʼun muʼyuk xa ox xmuyubaj Rita kʼalal chakʼbe estudio li Corale?

• 

  ¿Kʼusi koltaat-o Rita sventa xmuyubajuk yan veltae?

• 

  ¿Kʼu yuʼun skʼan jaʼuk jkʼelbetik slekil talelalik li buchʼutik ta jchanubtastike?

• ¿Kʼuxi xuʼ jkoltatik-o kaj-estudiotik o yan krixchanoetik mi xijmuyubaj noʼoxe?