TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Kaʼibetik smelolal ti kʼu yelan chaʼi sbaike
Kʼalal xkaʼibetik smelolal ti kʼu yelan chaʼi sbaik li yantike, te smakojbe skʼoplal xtok ti xkaʼibetik smelolal li kʼusi tsnopike, li kʼusi tsots skʼoplal chilike xchiʼuk li kʼusi chtun yuʼunike. Sventa spas kuʼuntik taje, skʼan xlokʼ ta koʼontontik skoltaelik. Skʼan jaʼ jech jtalelaltik li ta cholmantale xchiʼuk jaʼ jech ta jchanbetik stalelal Jeova ti oy ta yoʼonton li krixchanoetike, vaʼun chnopajik talel ta stojolal (Flp 2:4).
Maʼuk noʼox te chkakʼtik ta ilel ti xkaʼibetik smelolal kʼu yelan chaʼi sba yantik kʼalal chijchanubtasvane. Yuʼun te chkakʼtik ta ilel xtok ti kʼu yelan ta jchikintatik o chijkʼopoje, ti kʼu yelan ta jpas jtalelaltike xchiʼuk ti kʼu yelan ta jpas senyail ta jsatik o ta jkʼobtike. Taje jaʼo chvinaj kʼalal oy ta koʼontontik ta melel li krixchanoetike, ti jtsaktik ta venta li kʼusi tskʼupinike, li kʼusi xchʼunojike, ti kʼu yelan xkuxlejalike, ti jkoltatike xchiʼuk ti xkalbetik tojobtasele, pe ti mu jsujtik spasele. Kʼalal chchʼamik li koltaele, mas me xijmuyubaj li ta cholmantale.
MI LA AKʼELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. TOJOBKUTIK MAS: KAʼIBETIK SMELOLAL TI KʼU YELAN CHAʼI SBAIKE, TAKʼIK LI SJAKʼOBILTAK LIʼE:
¿Kʼuxi laj yakʼ ta ilel Rita ti xaʼibe smelolal kʼalal echʼem xa ora kʼot li Corale?
¿Kʼuxi laj yakʼ ta ilel Rita ti xaʼibe smelolal kʼalal laj yal ti lubem tajek li Corale?
Kʼalal chkaʼibetik smelolal ti kʼu yelan chaʼi sbaik li yantike, ta me xnopajik ta stojolal Jeova.
¿Kʼuxi laj yakʼ ta ilel Rita ti xaʼibe smelolal kʼalal laj yal Coral ti muʼyuk lek yorail yuʼun li kʼusitik tspase?