TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Kʼanbo koltael li ermanoetike
Li Jeovae tstunes kermanotaktik sventa skoltautik (1Pe 5:9). Li ermanoetike tskoltautik sventa stsal kuʼuntik li kʼusi vokol chkaʼitik spasel li ta cholmantale. Jech kʼuchaʼal liʼe, li Akila, Prisila, Silas, Timoteo xchiʼuk yan ermanoetike la skoltaik tajek li jtakbol Pabloe (Ech 18:1-5).
¿Kʼuxi xuʼ skoltautik li yan jcholmantaletike? Xuʼ xalbutik kʼusi xuʼ jpastik kʼalal tspajes jloʼiltik li jun krixchanoe, sventa jnaʼtik kʼuxi xuʼ jpastik revisita o ti kʼuxi xuʼ xkakʼtik estudioe. Nopo buchʼu xuʼ xakʼanbe koltael sventa masuk to xlekub ti kʼu yelan chachanubtasvane. Chatabeik sbalil achaʼvoʼalik xchiʼuk chapatbe aba avoʼontonik (Flp 1:25).
MI LA AKʼELIK LI VIDEO XIJMUYUBAJ YUʼUN TI TA JPASTIK TA YAJTSʼAKLOM KRISTO LI KRIXCHANOETIKE. JTUNESTIK LI KOLTAELETIK YAKʼOJ JEOVAE: LI KERMANOTAKTIKE, TAKʼIK LI SJAKʼOBILTAK LIʼE:
¿Kʼusitik la spas Rita sventa xlik batuk ta tsobajel li Corale?
¿Kʼu yuʼun skʼan xkikʼtik batel yan ermanoetik kʼalal chbat kakʼtik estudioe?
Skʼan jkolta jbatik ta komon sventa xkʼot ta yajtsʼaklom Kristo li jun krixchanoe.
¿Kʼusi ti koʼol tskʼupinik li Coral xchiʼuk li ermana ti oy xa sjabilale?
¿Kʼusitik xuʼ xachan ta stojolal yan ermanoetik kʼalal chcholik mantale?