TOJOBKUTIK MAS TA SPASEL LI KABTELTIKE | MUYUBAJKUTIK LI TA CHOLMANTALE
Jkoltatik kaj˗estudiotik yoʼ xbatik ta tsobajel
Li tsobajeletike toj tsots skʼoplal sventa jechuk xkichʼtik ta mukʼ Jeova kʼuchaʼal tskʼane (Sl 22:22). Li buchʼutik tstsob sbaik sventa xichʼik ta mukʼ Jeovae xmuyubajik tajek xchiʼuk tstaik epal bendision (Sl 65:4). Li kaj˗estudiotike mas anil chchʼiik ta mantal kʼalal chbatilanik ta tsobajeletike.
¿Kʼuxi xuʼ jkolta kaj˗estudiotik yoʼ xbatik ta tsobajeletike? Jtakulantik˗o ta ikʼel. Kakʼbetik yil li video ¿Kʼu yelan li jtsobajelkutike? xchiʼuk kalbetik kʼusi sbalil tstabe (lff xchanobil 10). Xuʼ xkalbetik li kʼusi la jchantik ta tsobajele o li kʼusi chichʼ chanel ta yan tsobajele. Kakʼbetik kaj˗estudiotik li vunetik chichʼ chanele o kak’betik yil ta JW Library® ti bu chal: «Reuniones». Oyuk kʼusi jpastik ta stojolalik xtok. Jech kʼuchaʼal liʼe, xuʼ jchiʼintik batel li ta tsobajele. Kʼalal chbat ta tsobajel ta sba velta li kaj˗estudiotike, te chkakʼtik venta ti mu jecheʼuk ti laj kakʼ kipaltike (1Ko 14:24, 25).
MI LA AK’ELIK LI VIDEO JKOLTATIK LI BUCHʼUTIK CHKAKʼBETIK ESTUDIO SVENTA XBATIK TA TSOBAJELETIK, TAK’IK LI SJAK’OBILTAK LI’E:
¿Kʼusi laj yal Coral ti jaʼ te albat˗o yuʼun Rita ti xbat ta tsobajele?
¿Kʼu yuʼun xijmuyubaj tajek kʼalal chkʼot ta tsobajel li jun estudiantee?
«Te oy ta atojolalik ta melel li Diose».
¿Kʼu yelan laj yaʼi sba Coral kʼalal bat ta tsobajel ta sba veltae?