LI JKUXLEJALTIKE
¿Kʼusi chakʼ jchantik li Samuele?
Li Samuele tukʼ laj yakʼ sba ta stojolal Jeova ti kʼu sjalil kuxie. Mu jechuk la spas kʼuchaʼal li xnichʼnabtak Eli ti jaʼ Ofni xchiʼuk Fineas ti toj chopol kʼusi la spasike (1Sa 2:22-26). Kʼalal chʼi talele, lek ilat-o yuʼun li Jeovae (1Sa 3:19). Kʼalal oy xa ox sjabilale, jech-o la xchʼunbe smantal li Jeovae akʼo mi mu jechuk la spas li xnichʼnabe (1Sa 8:1-5).
¿Kʼusi xuʼ jchanbetik li Samuele? Li kerem tsebetike xuʼ xchʼunik ti xaʼibe smelolal Jeova ti kʼu yelan chaʼi sbaike xchiʼuk li kʼusi tsnuptanike. Jech xtok, chkoltaatik sventa tsotsuk yoʼontonik (Is 41:10, 13). Li totil meʼiletik ti namajemik ta stojolal Jeova li yalab xnichʼnabike xuʼ xpatbat yoʼontonik li kʼusi la spas Samuele. Yuʼun muʼyuk kʼusi laj yut sventa xchʼunbeik smantal Jeova li xnichʼnabe. Laj yakʼbe ta skʼob Jeova li kʼusi la snuptane, tukʼ laj yakʼ-o sba xchiʼuk jech˗o la smuyubtabe yoʼonton li Stot ta vinajele. Li slekil talelal totil meʼiletike xuʼ me jaʼ xtijbat yoʼonton li yalab xnichʼnabik sventa sutik talel ta stojolal Jeovae.
MI LA AK’ELIK LI VIDEO JCHANBETIK STALELAL: SAMUEL, TAK’IK LI SJAK’OBILTAK LI’E:
¿Kʼuxi laj yakʼ ta ilel ti tsots yoʼonton Samuel kʼalal kʼox toʼoxe?
Li Dannie, ¿kʼuxi laj yakʼ ta ilel ti tsots yoʼontone?
¿Kʼusi toj lek chakʼ jchantik Samuel kʼalal oy xa ox sjabilale?
Li Jeovae tskolta li buchʼutik jech˗o tspasik li kʼusitik tukʼe.
¿Kʼusi toj lek chakʼ jchantik li stot smeʼ Dannie?