LI JKUXLEJALTIKE

**¿Kʼuxi xuʼ lek jtunestik li livro Kʼupino akuxlejale?**

Ta jkʼupintik tajek li videoetik xchiʼuk li sjakʼobiltak yichʼoj talel li livro Kʼupino akuxlejale. Jtunelik tajek li rekuadro «Junantike xi chalike», «Paso liʼe» xchiʼuk «Xuʼ to xakʼel liʼe». Pe ¿kʼusi to mas xuʼ skoltaot kʼalal chavakʼ estudio xchiʼuk li livro liʼe? (Mt 28:19, 20).

Te yichʼoj jamel ta JW Library li livro «Kʼupino akuxlejal». Lek akʼbil ta ilel li bu chal: «Videoetik xchiʼuk vunetik ta sventa li sbavokʼale».

Videoetik xchiʼuk vunetik. Mi jaʼ chatunes li livro ti pasbil imprimire, ¿bu xuʼ xata skotol li videoetik xchiʼuk vunetike? Saʼo ta aselular o ta atavleta li livroe, vaʼun tʼujo junuk li ta xchanvokʼale. Ta olon toe te chata ti bu chal: «Videoetik xchiʼuk vunetik» ti jaʼ te yichʼoj talel skotol li videoetik xchiʼuk vunetik ta jujun xchanobile (lokʼol 1).

«Edición impresa». Mi yakal chatunes aselular o atavleta kʼalal chavakʼ estudioe, pe chakʼan chanaʼ kʼu yelan xvinaj li livro ti pasbil imprimire, batan ti bu chal: «Edición impresa». Kʼalal ajamoj xa ox junuk xchanobile, batan ta akʼol li ta oxib puntoetik chvinaje. Vaʼun, netʼo ti bu chal: «Edición impresa». Taje xuʼ me skoltaot sventa xavil kʼuxi snitojbe sba skʼoplal li kʼusi yakal chachanik xchiʼuk li stemail xchanobil chakʼelike. Sventa xasut yan velta ti kʼu toʼox yelan yakal chakʼel alivroe, batan li ta oxib puntoetik ta akʼole. Vaʼun, netʼo «Edición digital» o netʼo li setset lokʼol te chvinaj ta olone.

Te yichʼoj jamel ta JW Library li livro «Kʼupino akuxlejal». Li ta xokone jaʼ lek akʼbil ta ilel li bu chal: «¿Mi chapalun xa?» xchiʼuk «Notaetik».

«¿Mi chapalun xa?». Li rekuadroetik liʼe te talem ta slajeb li ta xchanvokʼale xchiʼuk chal kʼusitik skʼan jpastik mi ta jkʼan chij-och ta jcholmantal xchiʼuk mi ta jkʼan chkichʼtik voʼe (lokʼol 2).

Notaetik. Li notaetike te talem xtok ta slajeb li ta xchanvokʼale xchiʼuk chchapbe to mas smelolal li kʼusitik tsotsik skʼoplale. Mi la ajam alivro li ta aselular o ta atavletae, oy jun enlace li ta jujun notae ti jaʼ sventa xasut li ta punto ti bu yakal chachanike (lokʼol 2).

Tsutsesik xchanel li livro Kʼupino akuxlejal xchiʼuk li avaj-estudio ti yakal chchʼi ta mantale akʼo mi xichʼ voʼ kʼalal skʼan to stsuts avuʼunik xchanel li livroe. Xuʼ to me xatsak avora, ti jaykoj la achanubtase xchiʼuk ti jaʼ avaj-estudioe. Xuʼ me stsak yora ek li buchʼu chbat xchiʼinot ta yakʼel estudioe.