Oyuk kʼusitik xapas li ta yorail Konmemorasione

Li yajtunelutik Jeovae ta jkʼupintik tajek jujun jabil li Konmemorasione. Kʼalal skʼan toʼox li Konmemorasion xchiʼuk kʼalal echʼem xa oxe, ep kʼusitik ta jpastik sventa xkichʼtik-o ta mukʼ li Jeovae xchiʼuk sventa jtojbetik ta vokol li pojelal laj yakʼ tale (Ef 1:3, 7). Jech kʼuchaʼal liʼe, chkalbetik krixchanoetik ti xbatik li ta tsobajel taje. Junantik ermanoetike chtunik ta prekursor auksiliar li ta marso o avril ti jaʼ noʼox chichʼ kʼanel 30 o 50 orae. ¿Kʼusi xuʼ xapas mi oy ta avoʼonton ti masuk to xachol mantal li ta yorail Konmemorasione?

K’alal lek nopbil li k’usi ta jpastike, lek me k’usi chkʼot ta pasel (Pr 21:5). Ta skoj ti jutuk xa skʼan li Konmemorasione, skʼan xa noʼox jchapan jbatik. Nopo kʼusi chakʼan chapas li ta yorail Konmemorasione xchiʼuk kʼelo kʼusi xuʼ skoltaot sventa spas avuʼun. Mi laje, albo Jeova ti akʼo skoltaote (1Jn 5:14, 15).

¿Kʼusitik yan xuʼ xapas ta cholmantal li ta yorail Konmemorasione?