LI JKUXLEJALTIKE
Jechuk xavil aba kʼuchaʼal chilot li Jeovae
«Lek chil steklumal li Jeovae» (Sl 149:4). Jaʼ tskʼel li jlekil talelaltik xchiʼuk li kʼusi xuʼ kuʼuntik spasel akʼo mi jmulavilutik. Pe bakʼintike, vokol chkaʼitik ti jechuk xkil jbatik kʼuchaʼal chilutik li Jeovae. Ta skoj li kʼusi tspasbutik yantik o ti muʼyuk lek kʼusi la jpastik ta voʼnee, xuʼ van muʼyuk jbalil chkaʼi jbatik o ta jnoptik ti mu jtatik-o ti skʼanutik li Jeovae. ¿Kʼusi xuʼ skoltaot mi jech chavaʼi abae?
Li Jeovae maʼuk tskʼel jpat jxokontik jech kʼuchaʼal tspas li jun krixchanoe (1Sa 16:7). Yuʼun jaʼ tskʼel li kʼusi mu jtatik ta ilele. Te chal ta Vivlia li kʼusi tskʼel ta jtojolaltike. Mi la akʼel junantik tekstoetik o loʼiletik ta Vivliae, te chavakʼ venta ti skʼanojan tajek yajtuneltak li Jeovae.
MI LA AKʼELIK LI VIDEO AKʼBO XCHʼUN AVOʼONTON TI TOJ EP SKʼANOJOT LI JEOVAE, TAKʼIK LI SJAKʼOBILTAK LIʼE:
¿Kʼusi chchanubtasutik li skoʼoltasobil ta sventa li j-anilajel xchiʼuk li stote?
Mi oy buchʼu tsots la saʼ smul, pe ti sutesoj xa yoʼontone, ¿kʼusi xuʼ spas sventa xchʼun ti kʼanbil-o yuʼun Jeovae? (1Jn 3:19, 20).
Li ermanoe, ¿kʼuxi koltaat-o kʼalal la xchan xchiʼuk la snopbe skʼoplal li sloʼilal David xchiʼuk Jeosafate?