Picture Credits: Lokʼol ta pajina 3 tskʼelbeik skʼoplal Kokkinakis contra Grecia: Droit réservé
Ta akʼol, chlik ta tsʼetkʼob k’alal ta batsʼikʼob: Junta de Educación de Virginia Occidental contra Barnette; Kokkinakis contra Grecia; ta olon, chlik ta batsʼikʼob k’alal ta tsʼetkʼob: Entidad religiosa local de Taganrog y otros contra Rusia; Cha y otros contra Corea del Sur.
3-9 Yuʼun Julio
Chichʼ pakbel skʼoplal sventa oyuk jderechotik jcholtik mantal
Kʼalal tskʼan ox tspajesik xchaʼvaʼanel templo li yajkontratak steklumal Diose, li j-abteletike oy kʼusitik la spasik sventa xakʼik ta ilel ti akʼbilik permiso yuʼun li ajvalil ta xchaʼvaʼanele (Esd 5:11-16). Li avi eke, jaʼ jech tspasik li ermanoetik sventa spakbeik skʼoplal ta stojolal ajvalil li lekil aʼyejetike (Flp 1:7). Sventa xichʼ kʼelbel skʼoplal taje, li ta 1936 te lik jun departamento li ta smeʼ nail abtelale. Li avie jaʼ tspakbe skʼoplal kabteltik ta spʼejel balumil li Departamento de Asuntos Legales ti te oy ta smeʼ nail abtelale. ¿Kʼuxi tspas xchiʼuk kʼuxi ta jtabetik sbalil?
MI LA AKʼELIK LI VIDEO OJTIKINO LI DEPARTAMENTO DE ASUNTOS LEGALES LI TA SMEʼ NAIL ABTELALE, TAKʼIK LI SJAKʼOBILTAK LIʼE:
¿Kʼusi vokoliletik tsnuptanik li stestigotak Jeovae?
¿Butik spasojik kanal kʼalal tspak skʼoplalike? Albo junuk skʼelobil.
¿Kʼusi xuʼ jpastik sventa oyuk jderechotik jcholtik mantal?
¿Kʼuxi xuʼ jtatik ta jpajinatik li notisiaetik ta sventa ti kʼuxi spakoj skʼoplalik li steklumal Diose xchiʼuk li slistail ti buchʼutik tikʼajtik ta chukele?