Muyubajanik noʼox me ta skoj ti kʼusi oy avuʼunike

Mi muʼyuk mas kʼusi x-ayan kuʼuntike, xuʼ me oy kʼusi xlik jpastik ti xuʼ mu xa lekuk xkil-o jbatik xchiʼuk li Jeovae. Xuʼ van jta kabteltik ti ep ta jpastik kanale, pe ti tsmakutik sventa xijtun ta stojolal Jeovae. Mi jeche, xuʼ me skoltautik mi la jnopbetik skʼoplal li kʼusi chal Ebreos 13:5.

«Maʼukuk me batem ta avoʼontonik skʼanel takʼin ti kʼu yelan kuxuloxuke»

• Mi laj xa ox apas orasione, akʼo venta k’usi chanop ta sventa li tak’ine. Vaʼun, kʼelo kʼusi yakal chavakʼbe xchan li avalab anichʼnabe (g-S 9/15 paj. 6).

«Muyubajanik noʼox me ta skoj ti kʼusi oy avuʼunik avie»

• Jelo li kʼusi chanop toʼox ta sventa li takʼine (w16.07 paj. 7 par. 1, 2).

«Muʼyuk chkiktaot jutebuk xchiʼuk muʼyuk ta jkomtsanot jutebuk»

• Pato avoʼonton ta stojolal Jeova ti ta onoʼox xakʼbot li kʼusi chtun avuʼun mi chatun ta stojolale (w14 15/4 paj. 21 par. 17).

MI LA AKʼELIK LI VIDEO JUN NOʼOX YOʼONTON LI KERMANOTAKTIK AKʼO MI CHʼABAL STAKʼINIK, TAKʼIK LI SJAKʼOBIL LIʼE:

¿Kʼusi chakʼ achan li kʼusi la snuptan Miguel Novoae?