Naka jaʼ ti buchʼutik stuk chaʼi sbaike | ¿Kʼusi stakʼ pasel?

•  «Jutuk mu j-oʼloluk li krixchanoetik ti lek xa talel sjabilalik li ta Estados Unidose, stuk chaʼi sbaik. Li buchʼutik mas jech chil svokolike jaʼ li buchʼutik yichʼojik 18 kʼalal 25 sjabilalike» (Our Epidemic of Loneliness and Isolation: The U.S. Surgeon Generalʼs Advisory on the Healing Effects of Social Connection and Community, 2023. [Jaʼ jech laj yalik ta 2023 li buchʼutik la xchanbeik skʼoplal ta Estados Unidos ti kʼu yuʼun stuk chaʼi sbaik li krixchanoetike]).

•  «Li Organización Mundial de la Salud la svaʼan jtsop krixchanoetik sventa tskʼelbeik skʼoplal kʼuxi xuʼ skoltaik li krixchanoetik sventa mu stukuk xaʼi sbaike, yuʼun ep buchʼutik chil svokolik ta skoj taje. Jech xtok, jaʼ sventa skoltaik krixchanoetik ti buyuk noʼox slumalik akʼo mi jkʼulejik o mi jutuk noʼox stakʼinik» (OMS, 15 yuʼun noviembre ta 2023).

Li Vivliae tskoltautik sventa lekuk xkil jba jkotoltik.

Beiltaseletik ta Vivlia ti jtunel kuʼuntike

Iktao spasel li kʼusi chachʼak-o aba yuʼun ta stojolal yantike. Mu jaʼuk xbat ta avoʼonton li redes sosialese. Li kʼusi mas lek xuʼ xapase, jaʼ ti jmojuk kʼusi xapas xchiʼuk li krixchanoetik ti te akʼelojbe sate xchiʼuk ti xasaʼ avamigotake.

•  Beiltasel ta Vivlia: «Li melel amigoile skotol ora chakʼ ta ilel ti chkʼanvane xchiʼuk jaʼ jchiʼiltik ta vokʼel chkʼot kʼalal oy jvokoltike» (Proverbios 17:17).

Kʼelo kʼuxi xuʼ xakolta li yantike. Mi ta jkoltatik yantike, lek xkil jbatik xchiʼukik, lek chkaʼi jbatik xchiʼuk mas xijmuyubaj.

•  Beiltasel ta Vivlia: «Jaʼ mas xmuyubaj li buchʼu chakʼe, jaʼ mu sta li buchʼu chichʼe» (Echos 20:35).

Mi chakʼan chanaʼ yan beiltaseletik ta Vivlia ti xuʼ skoltaot sventa xasaʼ avamigotake, ochan ta jpajinakutik ta Internet.