¿Mi yakal chil-o svokol avalab anichʼnab li redes socialese? | Xuʼ xkoltaatik yuʼun Vivlia li totil meʼiletike

«Epajem tajek li kerem tsebetik ti tsok snopbenike, jtos ti kʼusi tsokesvane jaʼ li redes socialese» (Vivek Murthy, director general de Salud Pública de Estados Unidos. New York Times, 17 yuʼun junio ta 2024).

Li totil meʼiletike, ¿kuxi xuʼ xchabi yalab xnichʼnabik sventa mu sokesatik yuʼun li redes socialese? Jkʼeltik junantik tojobtaseletik ti chakʼ li Vivliae.

Li kʼusi xuʼ spas li totil meʼiletike

Kʼelo avil kʼusi chal li Vivliae.

«Li buchʼu pʼije tsnop lek li kʼusi tspase» (Proverbios 14:15).

Totil meʼiletik, mu xanop ti persa skʼan stunesik redes sociales li avalab anichʼnabike, yuʼun oy kʼusitik xibal sba xuʼ snuptanik. Jaʼ yuʼun, yoʼ to mu xavakʼbe stunes redes sociales li avalab anichʼnabe, kʼelo me lek mi xtojob xa stʼujel li yamigotake, li kʼusitik tskʼele xchiʼuk ti kʼu sjalil tstunese.

•  Mi chakʼan chanabe mas skʼoplale, kʼelo li mantaletik liʼe: «¿Mi xuʼ xa stunesik redes sociales li jkerem jtsebe?» xchiʼuk «Chanubtaso avalab anichʼnab yoʼ lekuk stunesik li redes socialese».

«Lek me xatunesik li jujun kʼakʼal chjelav avuʼunike» (Efesios 5:16).

Mi chavakʼbeik permiso li avalab anichʼnabik sventa stunesik li redes socialese, albeik me ti kʼuxi xuʼ stunesike xchiʼuk albeik ti kʼu yuʼun jech chavakʼbeik mantaletike. Teuk noʼox me asatik mi jel stalelalik ta skoj ti tstunesike.

•  Kʼelik li video Mu me syakot li redes sosialese yoʼ xakʼ venta avalab anichʼnabik ti skʼan ta spʼisoluk noʼox stunesike.

Sventa jchantik mas

Li Vivliae chal ti ta ‹slajebal xa kʼakʼal kuxulutike› xchiʼuk ‹ti toj xibal sbae› (2 Timoteo 3:1-5). Jech xtok, chakʼbutik tojobtaseletik ti jtunel-o kuʼuntik li avie xchiʼuk tskoltautik xchiʼuk li kalab jnichʼnabtike. Li ta mantal ti xiʼ sbie: «Toj labal sba ti kʼu yelan yantik chjel snopbenik li kerem tsebetike», te chata mas ta 20 mantaletik xchiʼuk videoetik ti lokʼemik ta Vivlia sventa li totil meʼiletik xchiʼuk li yalab xnichʼnabike.