TEKSTOETIK TI CHAPBIL SMELOLALE
Markos 1:15 | «Nopajem xa tal li Ajvalilal yuʼun Diose»
«Kʼot xa ta pasel li yorail ti albil onoʼoxe xchiʼuk nopajem xa tal li Ajvalilal yuʼun Diose. Suteso avoʼontonik xchiʼuk oyuk xchʼunel avoʼontonik ta sventa li lekil aʼyejetike» (Markos 1:15, Xchʼul Kʼop Dios sventa Achʼ Balumil).
«Kʼot xa ta pasel li yoraile xchiʼuk nopajem xa li Ajvalilal yuʼun Diose. Suteso avoʼontonik xchiʼuk chʼunik li lekil aʼyeje» (Markos 1:15, Biblia de Jerusalén, 1998).
Li kʼusi skʼan xal Markos 1:15
Li Jesuse laj yal ti «nopajem xa» o ti «nopol xa» li Ajvalilal yuʼun Diose,a yuʼun li stuke jaʼ skʼoplal ch-och ta ajvalil li ta Ajvalilal yuʼun Diose.
Kʼalal jech laj yal li Jesuse, muʼyuk toʼox chventainvan li Ajvalilal yuʼun Diose. Ta mas tsʼakale, laj yalbe yajchankʼoptak ti jaʼ to chtal ta mas jelavele (Echos 1:6, 7). Pe li Jesuse jaʼo kʼot li ta sjabilal jech onoʼox kʼuchaʼal chal li albil kʼopetik ta sventa li Mesiase ti jaʼ onoʼox skʼoplal ch-och li ta ajvalile.b Jaʼ yuʼun, xi laj yal li Jesuse: «Kʼot xa ta pasel li yorail ti albil onoʼoxe», jaʼ xkaltik, ti chlik yalbe skʼoplal li lekil aʼyejetik ta sventa li Ajvalilal yuʼun Diose (Lukas 4:16-21, 43).
Sventa stabeik sbalil lekil aʼyejetik li krixchanoetike, skʼan sutes yoʼontonik. Jaʼ xkaltik, ti chopoluk xaʼi sbaik ta skoj li kʼusitik chopol spasojike xchiʼuk ti xakʼ ta xkuxlejalik li smantaltak Diose. Li buchʼutik tsutes yoʼontonike chakʼik ta ilel ti oy xchʼunel yoʼontonike.
Stsʼak loʼil ta Markos 1:15
Li kʼusi laj yal Jesuse jaʼo te laj yal kʼalal lik xchol mantal li ta Galileae. Li ta Mateo 4:17 chal «li vaʼ kʼakʼale» jaʼo lik xchol mantal li Jesuse. Li kʼusi mas laj yalbe skʼoplal kʼalal la xchol mantale jaʼ ta sventa li Ajvalilal yuʼun Diose, ti chvinaj mas ta sien velta li ta xchanibal Evanjelioetikc li ta Vivliae.
Kʼelo li kapitulo 1 ta Markos, li snotailtake xchiʼuk li tekstoetik ti bu chtakvan batele.
a Li Jesuse skʼan onoʼox x-och ta ajvalil sventa xkʼot ta pasel yuʼun li kʼusi onoʼox albil skʼoplal ta sventa li Mesiase: ti chkʼot ta yajkʼopojel li Diose. Mi chakʼan chanabe mas skʼoplal ta sventa li albil kʼopetik ti chakʼ ta ilel ti jaʼ Mesias li Jesuse, kʼelo li mantal «Li albil kʼopetik ta Vivliae, ¿mi chakʼ ta ilel ti jaʼ Mesias li Jesuse?».
b Li Ajvalilal yuʼun Diose te oy ta vinajel xchiʼuk jaʼ la svaʼan Stuk sventa xkʼot ta pasel li kʼusi tskʼan yoʼonton ta sventa li balumile (Daniel 2:44; Mateo 6:10). Mi chakʼan chanabe mas skʼoplale, kʼelo li mantal «¿Kʼusi jaʼ li Ajvalilal yuʼun Diose?».
c Li chanib Evanjelio ti te ta jtatik ta Tsʼibetik ta Griego Kʼope, jaʼ chalbe skʼoplal li xkuxlejal xchiʼuk li cholmantal la spas Jesuse.