KʼUSITIK KʼUPIL SBA TA VIVLIA | SALMOS 102-105
Li Jeovae snaʼoj ti lum achʼelutik noʼoxe
Li Davide oy kʼusi la skoʼoltas-o sventa xalbe smelolal li slekil yoʼonton Jeovae.
Mu xkaʼibetik smelolal ti kʼu to snamal xil sbaik li Balumil xchiʼuk li kʼanaletike, jech noxtok mu xkaʼibetik smelolal li tukʼil kʼanelal yuʼun Jeovae.
Li Jeovae nom tajek tsjip batel li jmultike; jech kʼuchaʼal li snamal slokʼeb xchiʼuk li smaleb kʼakʼale.
Kʼalal chil svokol xnichʼon jun totile chkʼuxubaj ta yoʼonton, li Jeova eke chkʼuxubaj ta yoʼonton li buchʼutik tsvul yoʼontonik ta skoj li smulike xchiʼuk ti tsutes yoʼontonike.