LI JKUXLEJALTIKE

Tojobkutik batel mas li ta cholmantale: Koltao li buchʼutik oy ta yoʼonton chkʼotik ta yajtsʼaklomtak Kristoe

¿KʼU YUʼUN TSOTS SKʼOPLAL? Jaʼ Jeova chchʼiesbe ta yoʼonton mantal li krixchanoetik mi ta melel oy ta yoʼontonik stael li kuxlejal sbatel osile (Ech 13:48; 1Ko 3:7). Jmoj me chij-abtej xchiʼuk Jeova mi ta jkoltatik li buchʼutik chakʼ ta xkuxlejalik li kʼusi chchanike (1Ko 9:26). Li krixchanoetik taje skʼan xaʼibeik smelolal ti skʼan baʼyel xichʼik voʼ mi tskʼan chkolike (1Pe 3:21). Sventa xkʼotik ta yajtsʼaklom Kristo li buchʼutik chkakʼbetik estudioe skʼan jkoltatik sventa sjel li xkuxlejalike, ti xlokʼik ta cholmantale, ti xchanubtasik li yantike xchiʼuk ti xichʼik voʼe (Mt 28:19, 20).

¿KʼUXI TA PASEL?

Vulesbo ta sjol li avaj-estudio ti jaʼ sventa xojtikin xchiʼuk ti lekuk xil sba xchiʼuk Jeova ti chachanubtas ta Vivliae (Jn 17:3).
Sventa xchʼiik ta mantale koltao sventa xiktaik spasel li kʼusi chopole xchiʼuk ti mu xchiʼinik li buchʼutik chopol stalelalike.
Tsatsubtasbo yoʼontonik xchiʼuk patbo yoʼontonik kʼalal skʼan toʼox xichʼik voʼe xchiʼuk kʼalal yichʼojik xa oxe (Ech 14:22).

MI LAJ AKʼELIK LI VIDEO TSKOLTAOT LI JEOVAE, TAKʼIK LI SJAKʼOBILTAK LIʼE:

¿Kʼusi van xuʼ chmakatik-o sventa mu xakʼ sbaik ta stojolal Jeova xchiʼuk ti xichʼik voʼe?
Li moletik ta tsobobbaile, ¿kʼuxi xuʼ skoltaik li buchʼutik chichʼik estudio sventa xchʼiik ta mantale?
¿Kʼusi chakʼ jchantik ta stojolal Jeova li kʼusi chal Isaías 41:10?
¿Kʼusi talelalil xuʼ skoltautik sventa xijtun ta stojolal Jeova jech kʼuchaʼal tskʼan yoʼonton akʼo mi muʼyuk jtukʼiltike?

Jun mol ta tsobobbail yakal chchiʼin ta loʼil jun vinik ti mu snaʼ lek mi chakʼ sba ta stojolal Jeova xchiʼuk mi chichʼ voʼe. Jun vinik ta skʼakʼalil Vivlia yakal tsnitbe skʼob li skereme. Yakal chichʼ voʼ jun vinik — ¿Kʼuxi xuʼ jmoj xij-abtej xchiʼuk Jeova ta spasel ta yajtsʼaklomtak Kristo li krixchanoetike?