XCHANOBIL 4

Baʼyel loʼiltabo skʼoplal li teksto chakʼele

Mateo 22:41-45

KʼUSI SMAKOJBE SKʼOPLAL: Oyuk kʼusi baʼyel xaval kʼalal skʼan toʼox xakʼel junuk tekstoe.

Nopo ti kʼu yuʼun chakʼel li tekstoe. Kʼalal skʼan toʼox xlik akʼel li tekstoe oyuk kʼusi xaval sventa xakʼik venta li kʼusi chakʼan chavalbe skʼoplale.

Tsako ta venta li stsʼak loʼile. Jaʼ albo skʼoplal li buchʼu laj yale xchiʼuk ti buchʼu la stsʼiba li livro ta Vivlia ti bu chakʼele.
Tuneso li Vivliae, yuʼun jaʼ Skʼop Dios. Mi jaʼ chakʼelbe junuk teksto li buchʼu xchʼunoj ti oy li Diose, albo lek smelolal ti jaʼ Skʼop Dios li Vivliae xchiʼuk ti jaʼ te ta jtatik li melel pʼijilale.
Oyuk xa tajek ta yoʼontonik xchikintael li teksto chakʼele. Oyuk kʼusi xajakʼ ti jaʼ te tstakʼ li ta teksto chakʼele, alo jtosuk vokolil ti jaʼ chkoltavan ta xchapanel li tekstoe o alo junuk beiltasel ta Vivlia ti jaʼ te chalbe skʼoplal ti bu chakʼele.

Teuk me ta ajol li kʼusi snaʼojik xa ta sventa li kʼusi chavalbe skʼoplale xchiʼuk li teksto chakʼele. Kʼotuk ta oʼontonal li teksto chavalbe skʼoplale akʼo mi lek ojtikinbil xchiʼuk koltao sventa xaʼibeik lek smelolal o ti oyuk kʼusi achʼ xchanike.