XCHANOBIL 2

Jechuk xakʼopoj ti kʼu yelan nopem xavaʼie

2 Korintios 2:17

KʼUSI SMAKOJBE SKʼOPLAL: Kʼunuk ta aʼiel li kʼusi chavale xchiʼuk jechuk xakʼopoj kʼuchaʼal nopem onoʼox xavaʼi sventa lekuk xaʼiik li mantal chavetʼese.

KʼUXI TA PASEL:

Paso orasion xchiʼuk lek xachapan aba. Kʼanbo koltael Jeova sventa lekuk xchikintaik li mantal chavetʼese, ti mu jaʼuk skʼelik ti kʼu yelan chavetʼese. Mu me xchʼay ta ajol li kʼusitik mas tsots skʼoplal chakʼan chavale. Mu jaʼuk noʼox xaval ti kʼu yelan tsʼibabile, jaʼ lek alo ta akʼop atuk li kʼusi chakʼan chavale.

Mi chachan tal ta Vivlia o ta jlikuk vune, akʼo persa ta yojtikinel lek li kʼusi chalbe skʼoplal sventa lekuk xpʼejlajet xbat ta chanel avuʼune. Mi oy te tsakal tal tekstoetik ta Vivliae, akʼbo lek snukʼilal, pe mu me yanuk xa sba ti kʼu yelan chavaptae.
Lokʼuk ta avoʼonton li kʼusi chavale. Nopbo lek skʼoplal ti kʼu yuʼun skʼan xchikintaik li mantale xchiʼuk jaʼuk jech xavetʼes. Mi jech chapase, te chvinaj ti kʼu yelan vaʼalote, ti kʼu yelan xvinaj asate, ti kʼu yelan chapas senyailtak ta akʼob ti melel li kʼusi chavale xchiʼuk ti ta slekil avoʼonton chavetʼes li mantale.

Kʼalal jech chijkʼopoj jech kʼuchaʼal nopem onoʼox xkaʼitike maʼuk me skʼan xal ti muʼyuk xa smelol chijkʼopoje o ti ta jtunestik jpʼelantik kʼop ti muʼyuk lek ta aʼiele. Lekuk xpʼejlajet li jujupʼel kʼop chavale xchiʼuk tsako me ta venta li gramatikae, mi jech chapase chavakʼ ta ilel ti tsots skʼoplal chavil li mantal chavetʼese.
Kʼelbo sat li buchʼutik chchikintabote. Kʼelbo sat li buchʼutik te oyik mi muʼyuk bu chopol chaʼiike. Kʼalal chavetʼes mantale, mu baʼyeluk xakʼel skotolik, jaʼ lek baʼyel kʼelo batel junuk, vaʼun jaʼuk jech xakʼel batel ta jujuntal li yantik eke.

2 Korintios 2:​17

KʼUXI TA PASEL:

2 Korintios 2:17