Voʼneal livro ti jtunel-oe
Epal krixchanoetik tsots skʼoplal chilik li Vivliae, yuʼun xchʼunojik ti chʼule. Pe maʼuk noʼox chalbe skʼoplal Dios li Vivliae, yuʼun yichʼoj tojobtaseletik xtok ti jtunel tajek ta jkuxlejaltike.
Jkʼeltik avil kʼu yelan staojbeik sbalil xchanel Vivlia li junantik krixchanoetike xchiʼuk ti laj yakʼ ta xkuxlejalik li tojobtaseletike.
«Lekubem tajek li jkuxlejale. Lekubem li kʼusi ta jnope xchiʼuk ti kʼu yelan chkaʼi jbae. Mas xa jun koʼonton li avie» (Fiona).
«Oy sbalil chkaʼi jkuxlejal koliyal ti ta jchan li Vivliae» (Gnitko).
«Mas xa lek jkuxlejal li avie, jutuk xa chi-abtej xchiʼuk mas xa jal te oyun xchiʼuk li kutsʼ kalale» (Andrew).
Pe maʼuk noʼox taje, yuʼun oy ep buchʼutik ta spʼejel balumil ti yiloj ta sat stukik ti oy sbalil li tojobtaseletik ta Vivliae.
Jkʼeltik kʼuxi xuʼ tskoltautik ta jkuxlejaltik li Vivliae.
Sventa lekuk noʼox oyutike
Ti kʼu yelan chkaʼi jbatike
Ta kutsʼ kalaltik xchiʼuk kamigotik
Li takʼine
Ti kʼu yelan chkil jbatik xchiʼuk li Diose
Li revista liʼe tskoltautik sventa xkiltik ti maʼuk noʼox chʼul livro li Vivliae, yuʼun jtunel-o kuʼuntik li avi kʼakʼale.