Skotol ora ta jcholtik mantal
1. ¿Kʼuxi xuʼ jnaʼtik ti chapalik ta xcholel mantal skotol ora li yajtsʼaklom Cristo ta baʼyel sigloe?
1 Li jcholmantaletik ta baʼyel sigloe ta sjunul yoʼontonik «scotol cʼacʼal» la xcholik li lekil aʼyej ta buyuk noʼox la staik li krixchanoetike (Hech. 5:42). Ta melel, mu xa noʼox xnop kuʼuntik ti mu xcholbeik mantal li krixchanoetik ti te chjelav ta stsʼelik kʼalal chcholik mantal ta naetike. Ta tsʼakale mi batik ta manolajel ta chʼivite yikʼaluk van chcholik mantal. Jech kʼuchaʼal Jesuse, chapalik ta xcholel mantal ta skotol ora (Mar. 6:31-34).
2. ¿Kʼusi skʼan oyuk ta koʼontontik spasel li yajrextikoutik Jeovae?
2 Skotol ora chapalutik. Li jbitike maʼuk noʼox chakʼ ta ilel li kʼusi ta jpastike, yuʼun chal xtok ti buchʼuotike (Isa. 43:10-12). Jaʼ yuʼun, li yajrextikoutik Jeovae skotol ora skʼan chapalutik ta yalbel skʼoplal li kʼusi jchʼunojtike, manchuk mi maʼuk ta naetik ta jcholtik mantal (1 Ped. 3:15). ¿Mi baʼyuk xa onoʼox chachapan aba sventa chachol mantal ta buyuk noʼox xchiʼuk baʼyel chanop li kʼusi chavale? ¿Mi chavichʼ batel vunetik sventa chavakʼbe li buchʼutik oy ta yoʼontonik mantale? (Pro. 21:5.) ¿Mi jaʼ noʼox chachol mantal ta naetik, o mi chaval ti bu kʼalal xuʼ avuʼun li lekil aʼyej ta buyuk noʼoxe?
3. ¿Kʼu yuʼun mas lek ti jbiiltastik cholmantal ta stojolal krixchanoetik kʼalal ta jcholtik mantal ta kayeetik, ta skotleb karoetik, parkeetik xchiʼuk ta chonolajebaletike?
3 Cholmantal ta stojolal krixchanoetik. ¿Kʼuxi xuʼ jbiiltastik li cholmantal ta kayeetik, ta skotleb karoetik, parkeetik, xchiʼuk ta chonolajebaletike? Li jtakbol Pabloe laj yal ti maʼuk noʼox la xchol mantal ta naetike, yuʼun la xchol mantal ta stojolal krixchanoetik (Hech. 20:20). Jaʼ yuʼun, li cholmantal ta stojolal krixchanoetike jaʼ mas sta-o ti jech sbiin kuʼuntike. Melel onoʼox ti mas jtunel xchiʼuk mas xuʼ jtatik krixchanoetik sventa chkalbetik li aʼyej sventa Ajvalilal yuʼun Dios kʼalal ta jcholtik mantal ta naetike. Manchuk mi jech, ¿kʼusi oy ta yoʼontonik li jcholmantaletik ta baʼyel sigloe? Jaʼ ti xchiʼinik ta loʼil li krixchanoetike maʼuk noʼox ti chbat saʼik ta sna li krixchanoetike. Skotol ora la xcholik mantal ta stojolal krixchanoetik (predicación pública), ta buyuk noʼox (predicación informal) xchiʼuk ta naetik. Sventa tsʼakal jpas li kabteltike skʼan jech jpastik ek (2 Tim. 4:5).