Junchib slikeb jloʼiltik

Kʼu yelan xuʼ jlikestik chanubtasel ta Vivlia li ta baʼyel sabado yuʼun julioe

«¿Kʼu yelan chil Dios xanaʼ li orasion ta jpastike? ¿Mi oy van ta yoʼonton li kʼusi chkalbetike o mi jaʼ noʼox van ta xchikinta?» Akʼo stakʼ. Mi laje akʼbo yil li mantal ta pajina 16 li ta revista Li Jkʼel osil ta toyole, ti jaʼ sventa 1 yuʼun julio xchiʼuk koʼol xachanbeik stakʼobil li baʼyel sjakʼobile xchiʼuk kʼelik junuk li teksto yichʼoj tale. Akʼbo li revistaetike, vaʼun albo ti chasut yan velta sventa xachanik li yan sjakʼobile.

Li Jkʼel osil ta toyole 1 yuʼun julio

«Ta skoj ti skotol xuʼ yuʼun li Diose, ¿mi jaʼ van ta smul xanaʼ li kʼusitik chopol chkʼot ta pasel liʼ ta Balumile? [Akʼo stakʼ. Mi laje kʼelbo Santiago 1:13.] Li revista liʼe chalbe smelolal kʼu yuʼun oy kʼusitik chopol chkʼot ta pasel xchiʼuk chal kʼusi tspas Dios yoʼ tslajes li choplejal xchiʼuk li vokoliletike.»

¡Despertad! Julio

«Jutuk mu jkotoltik xuʼ oy kʼusi chopol ta jnuptan ta jkuxlejaltik ti muʼyuk jmalaojtike, jech kʼuchaʼal tsatsal chamel, chcham kutsʼ kalaltik xchiʼuk nikel, nojelal ta voʼ o yan kʼusitik. Kʼalal mi jech kʼot ta pasel taje, ¿mi tsots skʼoplal xanaʼ ti junuk noʼox koʼontontike? [Akʼo stakʼ.] Li Vivliae skoltaoj epal krixchanoetik yoʼ xkuch yuʼunik li vokoliletik taje [kʼelo Romanos 15:4]. Li revista liʼe chalbe smelolal kʼuxi tskoltautik Vivlia ta sventa li vokoliletik taje.»