Junchib slikeb jloʼiltik

Li Jkʼel osil ta toyole 1 yuʼun fevrero

«Li avie yakal ta xkakʼkutik jlik vun ti chakʼ ta ilel ti oy sbalil li mantaletik ta Vivliae. Li vun liʼe jaʼ avuʼun. [Akʼbo tratado li yajval na ti xi sbie ¿Kʼusi chanop ta sventa li Vivliae?] Li voʼotike ta jnuptantik vokolil li ta kabteltike, jaʼ yuʼun ta jkʼantik ti lekuk xbat li kʼusi ta jpastike. Li teksto liʼe jaʼ te chalbe skʼoplal ta sventa li abtelale, chikintao avaʼi. [Kʼelo Eclesiastés 3:13.] Li Vivliae yichʼoj beiltaseletik ti tskoltautik sventa jkʼupintik lek li kabteltike. Li revista liʼe chalbe mas smelolal. ¿Mi oy ta avoʼonton chakʼel?»

¡Despertad! Fevrero

«Yakal ta jvulaʼan jlakʼnakutik sventa chkakʼbekutik yil li revista ¡Despertad! ti jaʼ to lokʼ sventa li u liʼe. Tstakʼ jun sjakʼobil ti tsots skʼoplale. [Akʼbo yil li baʼyel pajinae.] Mi xuʼ xaval kʼusi chanop ta sventa li tojobtasel ta Vivlia liʼe. [Kʼelo Proverbios 29:11.] ¿Mi jtunel to xanaʼ avi li beiltasel taje? [Akʼo stakʼ.] Li revista liʼe chalbe skʼoplal chantos beiltaseletik ta Vivlia xchiʼuk chal kʼusi sbalil ta jtabetik mi la jpastik batel ta jkuxlejaltike.»

Jlivro ti chal loʼiletik ta Vivliae

«Mi liʼote. Kichʼojbot talel jun lekil aʼyej. Oy ta jakʼbe jbatik mi oy van junuk kʼakʼal ti jun koʼonton chijkuxiutike.» Akʼo stak. Akʼbo yil li loʼil 115 li ta livroe xchiʼuk akʼbo yil li lokʼole. Vaʼun chanik li xchibal parafoe. Kʼalal mi tsuts avuʼunike, xi xavalbee: «Xuʼ jchʼuntik ti chkʼot ta pasel li kʼusi chal liʼe yuʼun jaʼ yaloj stuk li Diose». Kʼelo 2 Pedro 3:13. Ta slajebal xae, xi xavalbee: «Li vun liʼe chapanbil sventa kerem tsebetik xchiʼuk li buchʼutik oy xa sjabilalike, yuʼun chkoltavan sventa xkaʼibetik smelolal ti skʼanojutik li Diose xchiʼuk ti oyutik ta yoʼontone».