Li kʼanelale jaʼ chakʼ ta ojtikinel li melel yajtsʼaklomtak Kristoe: Mu me xkakʼtik ti oy kʼusi xchʼakutike

¿KʼU YUʼUN TSOTS SKʼOPLAL? Kʼalal jun xa ox akʼobal skʼan xcham li Jesuse la skʼanbe Stot ti akʼo jun oyikuk li yajtakboltake (Jn 17:23). Sventa jmoj oyutike, toj tsots me skʼoplal ti jkʼan jbatike xchiʼuk ti mu jchaptik batel li kʼusi chopol chijpasbate (1Ko 13:5).

¿KʼUXI TA PASEL?

• Jaʼuk jkʼeltik li slekil talelal yantik jech kʼuchaʼal tspas li Jeovae.

• Jaʼ ti jnaʼtikuk yakʼel pertone.

• Jchapan li jkʼoptike xchiʼuk mu xa jchaʼaltik li kʼusi kʼot ta pasele (Pr 17:9).

MI LAJ AKʼELIK LI VIDEO JKʼAN JBATIK TA KOMON: LI KʼANELALE MUʼYUK CHCHAP BATEL LI KʼUSI CHOPOL TSPASBATE, TAKʼIK LI SJAKʼOBILTAK LIʼE:

• ¿Kʼu yuʼun xuʼ xkaltik ti lek toʼox xaʼi Elena tsnakʼ ta yoʼonton li kʼusi chopol tspasbate?

• ¿Kʼuxi tsal yuʼun Elena li kʼusi chopol toʼox tsnope?

• ¿Kʼusi la spas Elena sventa jmojuk oy li tsobobbaile?