Одӥг командаын луон — со валче ужан, кызьы валче ужало пилот но кыкетӥ пилот
КУЗПАЛЪЁСЛЫ
2-тӥ визь-кенеш. Валче ужалэ
МАЕ СО ВОЗЬМАТЭ
Картлы но кышнолы одӥг команда луоно но валче ужано, кызьы валче ужало пилот но кыкетӥ пилот, кудъёсыз одӥг самолётэн лобо. Шуг-секыт кылдыку, соослы малпано ӧвӧл: «Кызьы мыным та шуг-секытэз вормоно?», нош малпано: «Кызьы милемлы сое вормоно?».
БИБЛИЫСЬ ВИЗЬ-КЕНЕШ: «Табере соос кык ӧвӧл, одӥг лулмугор ини» (Матфей 19:6).
«Кузпалъяськонын кык мурт, одӥг ӧвӧл. Картлэн но кышнолэн кусыпъёссы юн мед луозы шуыса, соослы одӥг команда кадь луоно» (Кристофер).
МАЛЫ СО КУЛЭ
Кузпалъёс, кудъёсызлы секыт огкыл шедьтыны, шуг-секыт кылдыку, ог-огзылы юрттэм интые, ог-огзэс янгыше уськытозы. Соин сэрен пичи шуг-секыт но туж бадӟым кадь потоз.
«Кузпалъёслы туж кулэ одӥг команда кадь луыны. Соос озьы уг уло ке, соос бускельёслы тупало, кудъёсыз уло ӵош, нош кыӵе ке юанэз сэрттоно-пертчоно луэ ке, котькудӥз нимаз» (Александра).
МАР КАРЫНЫ ЛУОЗ
АСЬТЭДЫ ЭСКЕРЕ
Малпасько-а мон, ужам коньдонэ — со мынам гинэ коньдонэ шуыса?
Рос-прос шутэтскон понна, кулэ-а мыным кузпалылэсь нимаз кариськыны?
Палэнскисько-а мон кузпалылэн ӵыжы-выжыосызлэсь, кузпалы соосын матысь кусыпъёс возе ке но?
ОГ-ОГЕНЫДЫ КЕНЕШЕ
Кыӵе юанъёсын милемлы капчи одӥг команда луыны?
Кыӵе юанъёсын милемлы секыт одӥг команда луыны?
Мар милемлы юрттоз одӥг команда луыны?
ВИЗЬ-КЕНЕШЪЁС
Ог-огеныды вожвылъяськем интые, одӥг команда кадь луэ.
«Кызьы мыным вормоно?» малпам интые, малпалэ: «Кызьы милемлы вормоно?».
«Ноку но эн утчалэ, кин янгыш. Нырысетӥ интыын луыны кулэ тупаса но огкылысь улон» (Итан).
БИБЛИЫСЬ ВИЗЬ-КЕНЕШ: «Нокин но ас сярысьтыз гинэ медаз сюлмаськы, мукетъёс сярысь но мед сюлмаськоз» (Филиппыослы 2:4).