Тодӥськоды-а тӥ?

Зэмзэ ик-а Иерусалим храмын пудо-живот вузасьёсты лушкаськисьёс шуыны луэ вал?

МАТФЕЙЛЭСЬ ӟеч иворын тазьы гожтэмын: «Иисус Инмарлэн храмаз пыриз но храмын вань вузкарисьёсты, басьяськисьёсты улляса поттӥз, вошъяськыса улӥсьёслэсь ӝӧкъёссэс, дыдыкъёсын вузкарисьёслэсь ӟусъёссэс кымалляз. Соослы шуиз: „Гожтэмын: ‚Мынам коркае вӧсяськон корка шуыса нимаськоз‘, нош тӥ сое лушкаськисьёслы люкаськон интылы пӧрмытӥды“» (Матф. 21:12, 13).

Кызьы возьматэ история, храмын вузкарисьёс пудо-животъёсты туж дуноен вузаллязы. Кылсярысь, еврейёслэн вашкала документъёсазы верамын, а. э. I даурын вал вакыт, куке кык гурт дыдык понна зарни динарий куро вал. Сомында коньдон люкан понна, огшоры ужасьлы 25 нунал ужано вал. Азьло куанер адямиос гурт дыдыкез но нюлэс дыдыкез курбонэ сётыны быгато вал, нош табере та тылобурдоос понна но ортчыт трос коньдон курыны кутскизы (Лев. 1:14; 5:7; 12:6—8). Раввин Симон, Гамалииллэн пиез, солы йырыз кур луыса, одно ик ваёно курбонъёслэсь лыдзэс кулэстӥз. Озьы, кык гурт дыдыкъёслэн дунзы соку ик сю поллы кулэсмиз.

Озьыен, кызьы ми адӟимы, Иисус храмысь кӧттырмостэм но пӧяськись вуз карись адямиосты лушкаськисьёс шуыса юнме ӧз нима.