Оскисьтэм адямиослэсь сюлэмзэс вырӟытыны тырше

1. Мар воштӥськиз куд-ог шаеръёсын берпум дасо аръёс куспын?

ТРОС сюрс аръёс ӵоже адямиос кыӵе ке но религиосы пыриськизы. Нош берпум дасо аръёс куспын ваньмыз воштӥськиз. Ялан будэ лыдӟы соослэн, кинъёс Инмарлы уг оско яке религиен герӟаськем нокыӵе организацие уг пырисько. Куд-ог шаеръёсын тросэз улӥсьёс асьсэды оскисьтэм адямиосын лыдъяло (Матф. 24:12)b.

2. Кыӵе мугъёсын сэрен оскисьтэм адямиос тросгес луыны быгато?

² Малы тросгес но тросгес адямиос асьсэды оскисьтэмъёсc пӧлы пырто? Кин ке но аслаз шуг-секытъёсыз пӧлы выемын. Кин ке понна улонын валтӥсез — со шулдыръяськонъёс (Лука 8:14). Кин ке но Инмарлы оскемысь дугдӥз. Нош мукетъёсыз Инмарлы оско, но малпало религия пайда уг вайы ини но наукаен соглаш уг луы шуыса. Эшъёссы, дышетӥсьёссы но мукет адямиос соослы вераны быгато, Музъем вылысь вань улэп макеос эволюцилы луыса кылдӥзы шуыса. Со сярысь соос озьы ик лыдӟо газетъёсысь но интернетысь. Нош визьмо малпанъёсты, кудъёсыз возьмато, Инмар зэм но вань шуыса, соос ӵем уг кыло. Кинлы ке но туж уг кельшы, кызьы возё асьсэды религиозной кивалтӥсьёс, кудъёсыз коньдон но кивалтэт пумысен тырмостэмесь луо. Со сяна, куд-ог шаеръёсын кивалтӥсьёс потто сыӵе катъёсты, кудъёсыныз сэрен адямиос уг быгато ни Инмарлы кышкатэк ужаны-тыршыны.

3. Кыӵе ужпумез та статьялэн?

³ Иисус милемлы таӵе курон-косон кельтӥз: «Мынэлэ, вань калыкъёсты дышетэлэ» (Матф. 28:19). Кызьы оскисьтэм адямиослы юрттоно дышетскыны Инмарез яратыны но Христослэн дышетскисез луыны? Валаны кулэ, со, кызьы адями учкоз ивормы шоры, герӟаськемын соин, кытын со вордӥськиз. Кылсярысь, Европаын вордӥськем адямиос но Азиын вордӥськем адямиос верам кылъёсмы шоры пӧртэм сямен учкозы. Малы? Европаын тросэз адямиос ӧжыт ке но тодо Библия сярысь но Кылдытӥсь сярысь. Нош Азиын тросэз адямиос Библия сярысь номыре уг тодо, шуыны луоз, но Кылдытӥсьлы уг оско. Та статья юрттоз милемлы сюлэмзэс вырӟытыны соослэсь, кинъёслы ми тодытӥськомы, кытын гинэ соос вордӥськемын медаз луэ.

УМОЕЗЛЫ ОСКОНЭЗ ЭН ЫШТЭ

4. Малы умоезлы осконэз ыштоно ӧвӧл?

⁴ Эн ыштэ осконэз. Котькуд ар Иеговалэн Адӟись-Ивортӥсьёсыз луо соос, кинъёс азьвыл оскисьтэмесь вал. Соос пӧлысь куд-огъёсыз вылӥ эсэпъёсъя улӥзы но оскись адямиослэсь чеберъяськемзэс адӟемпотостэм каризы. Мукетъёсыз вылӥ эсэпъёсты лыдэ ӧз басьтылэ, но тросэзлэн соос пӧлысь урод сямъёссы вал. Кызьы адӟиське, Иеговалэн юрттэменыз, луэ шедьтыны соосты, кинъёс «быронтэм улон шоры шонер амалэн» учко (Ап. уж. 13:48, ВД; 1 Тим. 2:3, 4).

5. Ку адямиос милемыз кылзыны дась луозы?

⁵ Асьтэды ӟеч сямен но лякытэн возе. Кылзоз-а адями милемыз, уз-а, герӟаськемын ӧвӧл соин, мар ми вераломы, нош соин, кызьы ми сое вераломы. Адямиослы кельше, куке мукетъёсыз соосын лякытэн, ӟеч сямен верасько но соосын сюлмысь тунсыкъясько. Ми соосты кужмысь ум косӥське кылзыны сое, мае милям вераммы потэ. Ми валаны тыршиськомы, кызьы соос религия шоры учко но малы. Куд-ог адямиослэн тодмотэм адямиосын религия сярысь вераськемзы уг поты. Куд-огъёсыз малпало, мукетъёсызлэсь Инмар сярысь юалляськыны умой ӧвӧл шуыса. Нош мукетъёсыз кепырало, соосты адӟозы шуыса адямиосын, кудъёсыз соослы Библиысь мае ке но лыдӟо, уката но со Иеговалэн Адӟись-Ивортӥсьёсыз ке. Валтӥсез — малпаны кулэ адямиослэн шӧдонъёссы сярысь (2 Тим. 2:24).

6. Малы вераны луоз, апостол Павел вераськон амалзэ адямиосъя тупатэ вал шуыса, но кызьы ми солэсь адӟем карыны быгатӥськомы?

⁶ Нош мар кароно, ми шӧдӥськомы ке, адямилы уг кельшы шуыса, куке ми «Библия», «кылдытон», «Инмар» яке «религия» кылъёсты кутӥськомы? Сыӵе учырын ми быгатомы апостол Павеллэсь адӟем карыны но вераськон амалмес адямия тупатыны. Иудейёсын Павел «Священной Гожтэмъёсъя... вераськиз». Нош куке со Ареопаг вылысен грек философъёслы вазиськылӥз, со ӧз вера, солэн кылъёсыз Священной Гожтэмъёсысь басьтэмын шуыса (Ап. уж. 17:2, 3, 22—31). Малы дышетэ милемыз Павеллэн учырез? Ми пумитамы ке адямиез, кудӥз Библиез уг гажа, умой луоз, ми ӧм вералэ ке, кылъёсмы Библиысь басьтэмын шуыса. Тӥ малпаськоды ке, адямилы уз кельшы шуыса, куке сое адӟозы адямиен, кудӥз солы мар ке но Библиысь лыдӟе, тырше солы та кылбуръёсты электрон тӥрлыкысь лыдӟыны.

7. Мар юрттоз милемлы уже кутыны апостол Павеллэсь кылъёссэ, кудъёсыз 1 Коринфъёслы 9:20—23 гожтэмын?

⁷ Адямиез кылзэ но валаны тырше. Валаны тыршоно, кызьы малпасько адямиос, кудъёссэ ми тодытыкумы пумитаськомы, но малы соос озьы малпаськыны кутскизы (Мад. 20:5). Нош ик эскеромы Павеллэсь примерзэ. Со иудейёс пӧлын будӥз, соин ик, мукет калыкъёсысь адямиослы тодытыкуз, солы соослэсь малпаськон амалзэс лыдэ басьтоно вал, малы ке шуоно соос Иегова сярысь но Священной Гожтэмъёс сярысь номыр ӧз тодэ, шуыны луоз. Милям умойгес валаммы потэ ке адямиосты, кудъёсыз кенешмылэн тодытон интыяз уло, соос сярысь тросгес тодоно яке визь-кенеш куроно ивортӥсьёслэсь, кудъёсыз тодытон ужлы трос дырзэс висъяло. (Лыдӟе 1 Коринфъёслы 9:20—23.)

8. Кыӵе одӥгез амал, кызьы адямиен Библия сярысь вераськонэз кутскыны луэ?

⁸ Милям ярамон муртъёсты шедьтэммы потэ (Матф. 10:11). Со понна милемлы адямиослэсь юано, мар соос малпало, но соосты сак кылзоно. Англиын улӥсь одӥг вын-агай адямиосты юа со сярысь, кызьы семья шудо луыны быгатэ, кызьы нылпиосты будэтоно яке кызьы асьмеды возёно, шонертэм ужъёсын пумиськыкумы. Со адямиез кылзэ но вера: «Кызьы тӥ малпаськоды, быгатэ-а пайда вайыны та визь-кенеш, кудӥзлы ог 2 000 ар ини?» Собере, Библия сярысь вератэк, со тупась кылъёсты электрон тӥрлыкысьтыз возьматэ.

ТЫРШЕ АДЯМИЛЭСЬ СЮЛЭМЗЭ ВЫРӞЫТЫНЫ

9. Кызьы юрттоно адямиослы, кудъёсызлэн вераськемзы уг поты со сярысь, мар Инмарлы осконэн герӟаськемын?

⁹ Кызьы сюлэмзэс вырӟытоно сыӵе адямиослэсь, кудъёсызлэн вераськемзы уг поты со сярысь, мар Инмарлы осконэн герӟаськемын? Вераськыны луоз со сярысь, мар соослы тунсыко потэ. Кылсярысь, тросэз инкуазез ярато. Соин ик ми быгатӥськомы вераськонэз тазьы кутскыны: «Тӥ тодӥськоды, дыр, адямиос троссэ лэсьто, инкуазь шоры учкыса. Кылсярысь, микрофонъёсты поттӥсьёс эскеро, кызьы пель кылдытэмын, нош фотокамераосты поттӥсьёс эскеро, кызьы син кылдытэмын. Кызьы, тӥ малпамъя, вань улэп макеос кылдӥзы: ас понназы, кинлэн ке но эрикезъя яке кызьы ке но эшшо?» Адямилэсь верамзэ сак кылзыса, ватсаны луоз: «Куке адямиос эскеро, кызьы пель но син кылдытэмын, кинлэсь соос дышетско? Мыным кельшизы вашкала дыръёсы улӥсь кылбурчилэн кылъёсыз: „Пель пуктӥсь уг кылы шат? Син кылдытӥсь уг адӟы шат? ...Адямиез валаны Дышетӥсь тӥледыз шарае уз потты шат?“ Та кылъёсын куд-ог тодосчиос но соглаш карисько» (Пс. 93:9, 10). Собере возьматыны луоз одӥгзэ видеороликез jw.org^® сайтысь, «Взгляд на происхождение жизни» рубрикаысь. (Учке ПУБЛИКАЦИИ > ВИДЕО > ИНТЕРВЬЮ И СЛУЧАИ ИЗ ЖИЗНИ.) Озьы ик адямилы ӵектыны луоз таӵе брошюраосты: «Улон кылдытэмын-а вал?» (ӟуч) яке «Улонлэн кылдэмез. Вить юанъёс, кудъёсызлы валэктонъёс шедьтоно» (ӟуч).

10. Кызьы эшшо вераськыны луэ на адямиен, кудӥзлэн Инмар сярысь вераськемез уг поты?

¹⁰ Тросэз адямиос возьмало дырез, куке ми умойгес улыны кутскомы. Нош тросэз кышкало, Музъем быроз яке со вылын улыны уз луы шуыса. Одӥг ёросэз чаклась, кудӥз Норвегия шаерын ужа-тырше, вера, адямиос, кудъёсызлэн уг поты Инмар сярысь вераськемзы, ӵем дыръя дунне вылын кылдэм югдур сярысь шумпотыса верасько шуыса. Со адямиен ӟечбуръяське но солэсь юа: «Кызьы тӥ малпаськоды, азьланяз ми умойгес уломы-а? Кин улонмес тупатоз: политика удысын ужасьёс, тодосчиос яке кин ке но эшшо?» Адямиез сак кылзыса, со вуоно умой улон сярысь Библиысь кылбурез лыдӟе яке сое ас кылъёсыныз вера. Куд-огъёсыз паймо, куке тодо, Библия верамъя, Музъем котьку луоз но умой адямиос со вылын пырак дауръёс ӵоже улозы шуыса (Пс. 36:29; Екк. 1:4).

11. Малы, ӟеч иворез веракумы, милемлы пӧртэм тодытон амалъёсты кутоно? Кызьы ми Павеллэсь адӟем карыны быгатӥськомы, Римъёслы 1:14—16 лыдэ басьтыса?

¹¹ Умой луысал, ӟеч иворез веракумы, ми пӧртэм тодытон амалъёсты кутысалмы ке. Малы? Малы ке шуоно вань адямиос пӧртэмесь. Со, мар одӥг адямилы тунсыко потэ, мукетызлы чик но тунсыко уз поты. Кин ке но Инмар сярысь яке Библия сярысь вераськыны пумит ӧвӧл, нош кинэн ке но умойгес луоз мукетыз сярысь вераськыны. Кызьы гинэ медам луы, луонлык утчано пӧртэм адямиосын вераськыны. (Лыдӟе Римъёслы 1:14—16.) Но тодамы возёно, Иегова будэтэ шуыса зэмлыклэсь кидысъёссэ, кудъёсыз шонерлыкез яратӥсь адямиослэн сюлмазы киземын (1 Кор. 3:6, 7).

КЫЗЬЫ ТОДЫТОНО АЗИЫСЬ ЛЫКТЭМЪЁСЛЫ

12. Кызьы юрттоно Азиысь лыктэмъёслы, кудъёсыз Кылдытӥсь сярысь ноку ӧз малпаське?

¹² Азиысь куд-ог шаеръёсын тросэз адямиос Кылдытӥсь сярысь уг малпасько. Быдэс дунне вылын ивортӥсьёс пумитало адямиосты, кудъёсыз Азиысь лыктӥзы, озьы ик со шаеръёсысь но, кудъёсаз кивалтӥсьёс религиен герӟаськем ужъёсты нуыны люкето. Куд-огъёсыз маин ке выленыз тунсыкъясько но соку ик соглаш карисько Библиез дышетыны, нош мукетъёсыз кутсконаз ик выльзэ эскерыны мылкыд уг каро. Кызьы соослы юрттоно? Ивортӥсьёс, кудъёсыз тодытон ужлы трос дырзэс висъяло, верало, умойгес луоз соосын огшоры вераськонэз кутскыны, соосын сюлмысь тунсыкъяськыны, нош собере, тупась учыр кылдӥз ке, вераны, кызьы тӥледлы Библиысь кыӵе ке но визь-кенеш юрттӥз шуыса.

13. Мар адямилэсь мылкыдзэ ӝутыны быгатэ Библиен тунсыкъяськыны? (Учке вылбамысь суредэз.)

¹³ Трос адямиослы кельше, Библиысь визь-кенешъёс улонын пайда вайыны быгато шуыса (Екк. 7:12). Тани мар вера одӥг сузэр, кудӥз Нью-Йоркын тодытэ Китайысь лыктэмъёслы: «Мон тыршисько соосын сюлмысь тунсыкъяськыны но соосты сак кылзыны. Соос асьме шаерамы алигес лыктӥзы ке, мон соослэсь юасько: „Тӥледлы татын кельше-а? Уж шедьтӥды-а ини? Тӥледыз уг ултӥяло-а?“» Куддыръя таӵе амал юрттэ солы Библиысь кыӵе ке малпанэз вераны. Луэ ке, озьы ик сузэр юа: «Мар юрттэ, тӥ малпамъя, мукет адямиосын тупаса улыны? Тӥ пумит ӧвӧл ке, мон тӥледлы Библиысь одӥг веранэз лыдӟо: „Керетонлэн кутсконэз ӧрзэ кырыса кошкись ву кадь; сюлмыд бугыръяськыны кутскемезлэсь азьло керетон мылкыддэ кыс“. Кызьы тӥ малпаськоды, юрттоз-а та визь-кенеш мукетъёсыныз тупаса улыны?» (Мад. 17:14). Сыӵе амал юрттоз шедьтыны соосты, кин соглаш кариськоз милемын эшшо одӥг пол вераськыны.

14. Кызьы одӥг агай Инмарлы оскисьтэм адямиослы юрттэ?

¹⁴ Нош кызьы вераськоно соосын, кинъёс верало, Инмарлы уг оско шуыса? Тани мар вера ивортӥсь, кудӥз тодытон ужлы трос дырзэс висъя но сыӵе адямиослы тодытэ Азиысь одӥгаз шаерын: «Та интыын улӥсьёс верало ке: „Мон Инмарлы уг оскиськы“, ӵем дыръя со возьматэ, соос уг оско шуыса та интыын вӧлмем религиослэн инмаръёссылы. Соин ик мон адямиослэсь саклыксэс висъясько, со зэмос луисьтэм инмаръёс луо но соос адямиосын лэсьтэмын шуыса. Мон ӵем лыдӟисько Иеремия 16:20: „Быгатэ-а адями аслыз инмаръёс лэсьтыны? Лэсьтэм инмар Инмар ӧвӧл ук!“ Собере мон юасько: „Кызьы тодманы луэ зэмос Инмарез адями киын лэсьтэм инмарлэсь?“ Мон адямиез сак кылзӥсько но лыдӟисько Исаия 41:23: „Вералэ, мар луоз азьпалан, соку ми тодомы, тӥ инмаръёс шуыса“. Собере мон верасько, кызьы Иеговалэн одӥгез азьпалзэ ивортонэз быдэсмиз».

15. Малы ми дышетскыны быгатӥськомы Азиысь одӥг агайлэсь?

¹⁵ Нош тани кызьы вераське агай, кудӥз Азиысь одӥгаз шаерын улэ, адямиос доры выльысь лыктыкуз. Со вера: «Мон возьматӥсько соослы Библиысь визь-кенешъёсты, быдэсмем азьпалзэ ивортонъёсты но соосын инкуазь сярысь вераськисько. Собере мон валэктӥсько соослы, кызьы ваньмыз та Кылдытӥсьлэн визьлыкез сярысь вера. Адями малпа ке, Инмар вань, дыр, шуыса, мон возьматӥсько солы, мар Библиын вераське Иегова сярысь».

16. Еврейёслы 11:6 лыдэ басьтыса, малы туж кулэ Инмарлы но Библилы оскыны? Кызьы та пумысен юрттоно соослы, кинъёсын ми Библиез дышетӥськомы?

¹⁶ Куке ми Библиез дышетӥськомы оскисьтэм адямиен, ялан оскытоно сое, Инмар вань шуыса. (Лыдӟе Еврейёслы 11:6.) Со сяна, Библилы осконзэ юнматоно. Со понна куд-ог малпанъёсты кӧня ке пол верано луоз, вылды. Оло нош, котькуд дышетон дыръя верано луоз малпанъёсты, кудъёсыз возьмато, Библия — со Инмарлэн Кылыз шуыса. Кылсярысь, вакчияк эскерыны луоз, кызьы быдэсмизы Библиысь азьпалзэ ивортонъёс, кызьы Библия соглаш луэ наукаен но историен, озьы ик кызьы солэсь визь-кенешъёссэ улонэ пыртыны луэ.

17. Мар карыны адямиослэн мылкыдзы ӝутскоз, ми соослы яратонмес возьматӥмы ке?

¹⁷ Ми оскись но, оскисьтэм адямиослы но яратонмес возьматыны кулэ. Озьы ми юрттомы соослы Христослэн дышетскисьёсыз луыны (1 Кор. 13:1). Адямиен Библиез дышетыса, милям сое оскытэммы потэ: Инмар милемыз яратэ но солэн потэ, ми сое мед яратомы шуыса. Котькуд ар пылатӥсько трос сюрс адямиос, кудъёсызлы азьвыл религия тунсыко уг поты вал. Соос сыӵе ужпум куто, малы ке шуоно Инмарез яратыны кутскизы. Соин ик умоезлы осконэз эн ыштэ. Вань адямиосын тунсыкъяське. Соосты кылзэ но валаны тырше. Ас ужъёсыныды дышетэ соосты Христослэн дышетскисьёсыз луыны.