ХРИСТИАН УЛОН

Юртты оскисьтэм адямиослы оскыны, Кылдытӥсь вань шуыса

Кышкаськод-а тон оскисьтэм адямиослы тодытыны? Оло, тон малпаськод: «Соослэн кылзэмзы но уз поты, дыр». Озьы ке, эн вунэты, тросэз оскисьтэм адямиос Иеговалэн Адӟись-Ивортӥсьёсыз луизы шуыса. Соослы ӧжыт гинэ юрттоно вал малпаськыны, мар возьматэ Инмар вань шуыса (Рм 1:20; 10:14).

УЧКЫ «ВЕРУ МОГУТ ОБРЕСТИ ТЕ, У КОГО ЕЁ НЕ БЫЛО. НЕРЕЛИГИОЗНЫЕ ЛЮДИ» ВИДЕОРОЛИКЕЗ НО ТА ЮАНЛЫ ВАЛЭКТОН СЁТ:

Кызьы Томмазо агайлэн учырез возьматэ, оскисьтэм адямиослы тодытыны кышкано ӧвӧл шуыса?

Мынам валэктонэ

Кызьы оскисьтэм адямиослы тодытоно

Адями вера ке, Инмарлы уг оскы шуыса, вераськы соин лякытэн но гажаса, озьы ик сак кылзы сое (2Тм 2:24). Вераськы со сярысь, мар солы тунсыко луоз. Учкы, дась-а со вераськыны со сярысь, малы оскыны луэ, Кылдытӥсь вань шуыса. Со дась ке, возьматы солы та темая публикацимес яке видеороликмес. Алигес JW Library^® приложениын валтӥсь дышетон тӥрлыкъёсмы пӧлы пыртӥзы кык брошюраосты: «Улон кылдытэмын-а вал?» (ӟуч) но «Улонлэн кылдэмез. Вить юанъёс, кудъёсызлы валэктонъёс шедьтоно» (ӟуч). Табере соосты капчи шедьтыны.

Тон Инмарлы оскисьтэм адямиослы тодытыны кышкаськод ке, юрттэт кур быгатӥсь ивортӥсьлэсь. Озьы ик тодад возь, Иегова оскисьтэм адямилэсь но сюлэмзэ вырӟытыны быгатэ, солэн сюлмыз зэмлыклы усьтэмын ке (Ап 13:48, ВД).