Шумпотыса куноосты пумитаськомы

Ми возьмаськомы, 23-тӥ южтолэзе Тодэ ваён ӝытанэ 12 миллион яке тросгес куноос лыктозы шуыса. Соослы речь пыр туж умой адӟытэмын-ивортэмын луоз, Иегова, сьӧлыкъёслэсь мозмытон понна, дун тыриз шуыса но вуоно дыре адямиосты бакель кароз шуыса (Ис 11:6—9; 35:5, 6; 65:21—23; Ин 3:16). Нош речь верась та нимысьтыз пумиськон дыръя одӥгназ гинэ адӟытон-ивортон уз сёты. Ваньмы асьмеос быгатомы шумпотыса куноосты пумитаны (Рм 15:7). Тани куд-ог визь-кенешъёс.

• Аслыд инты шедьтон но программалэсь кутскемзэ пуксьыса возьман интые, пальпотыса но шуныт кылъёс вераса пумита куноосты но соосты, кинъёс тодытон уже пыриськемысь дугдӥзы

• Веранэз ӧвӧл, соослы, кинъёсты тон ачид ӧтид, саклык тросгес висъялод, нош эн вунэты соос сярысь но, кинъёслы кампания дыръя ӧтён сётӥзы. Ӵекты соин артэ пуксьыны но ӵош Библиысь кылбуръёсты лыдӟыны но кырӟанъёсты кырӟаны

• Речь бере юа адямилэсь, вань-а солэн юанъёсыз. Тӥ бӧрсьы мукетыз кенеш лыктэ ке но тӥледлы ӝоггес залысь потоно ке, соку вераськы пумиськыны матысь нуналъёсы. Тон уд тодӥськы ке, кызьы соин герӟаськыны, соку луоз вераны: «Мынам тодэме потэ вал, мар тӥ малпаськоды программа сярысь. Кызьы тӥледын герӟаськыны луоз?»