ДЫШЕТСКИСЬКОМЫ УСТОГЕС ИВОРТЫНЫ
Кызьы дасяськоно брошюраез ӵектыны
МАЛЫ СО КУЛЭ. Ужан тетрадьын печатлам вераськонэз нуон амалъёс юртто публикациосты ӵектыны. Но со вераськонэз нуон амалъёс вакчиятыса сётэмын, соин ик соосты ас кылъёсыныд верано. Ужан-тыршонын тынад мукет амалэз кутэмед потоз, вылды, яке саклык висъямед потоз мукет темалы, кудӥз, тынад малпамедъя, тӥ палась адямиослы тунсыкогес луоз. Озьы ке, брошюраез лыдӟемед бере, вераськонэз нуон амалъёсын тодматскемед бере но брошюраез ӵектон сярысь видеороликъёсыз учкемед бере, уже кутыны луоз улӥын сётэм визь-кенешъёсты, аслэсьтыд вераськонэз нуон амалдэ малпан понна.
КЫЗЬЫ СОЕ ЛЭСЬТОНО:
Юа аслэсьтыд: «Потэ-а мынам уже кутэме вераськонэз нуон амалъёс пӧлысь одӥгзэ?»
ПОТЭ
Малпа кутскон кылъёсты. Адямиен ӟечбуръяськем берад, вера, малы тон лыктӥд. (Кылсярысь, вера: «Мон лыктӥ, малы ке шуоно...»)
Малпа, кызьы выжоно юанысь кылбуре но кылбурысь публикацие. (Кылсярысь, кылбурез лыдӟон азьын луоз вераны: «Та юанлы валэктон сётӥське татын».)
УГ
Бырйы брошюраысь темаез, кудӥз тыныд тунсыко потэ но озьы ик тӥ палан улӥсь адямиослы тунсыко луоз
Малпа, кыӵе юан сётыны луоз адямилы, солэсь малпаськыны но вераськыны мылкыдзэ ӝутон понна, но со дыре ик тыршы, та юан сэрен адямилэн умойтэм шӧдонъёсыз медам кылдэ шуыса. (Кылсярысь, сёт юанъёсты, кудъёсыз гожтэмын брошюраослэн 2-тӥ бамазы.)
Бырйы кылбур, кудзэ тон лыдӟод. (Куке ӵектӥськод брошюраез, кудӥз дасямын соослы, кинъёс Библиен ӧжыт гинэ тодмо но религия шоры оскытэк учко, вылды, соку кылбурез лыдӟытэк но луоз.)
Одӥг-кык предложениен вера адямилы, кыӵе пайда ваёз солы статьяез лыдӟон
ОДНО ИК
Малпа юан, кудӥзлы валэктон сётод выльысь лыктыкуд
Вакчияк гожты, мае тон вералод, адями доры выльысь лыктыкуд