«Улон но ужан-тыршон» ужан тетрадьлы малпанъёс
2—8-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 22, 23
Духовной марӟанъёсты утчаськомы
(Улон-вылон 22:5) Пинал пиосызлы Авраам шуиз: «Ишакеным огазе тӥ татчы кыле; нош мон пиеным ӵош отчы мыныса йыбырттомы, собере нош ик тӥ доры берыктӥськомы».
w16.02 11 б., 13 абз.
Иегова сое аслаз эшез шуыса вераз
13«Улон но ужан-тыршон» ужан тетрадьлы малпанъёсПинал пиосызлы, кудъёсыз соосын ӵош мынӥзы, Авраам шуиз: «Ишакеным огазе тӥ татчы кыле; нош мон пиеным ӵош отчы мыныса йыбырттомы, собере нош ик тӥ доры берыктӥськомы» (Ул.-выл. 22:5). Мар Авраамлэн верамез потэ вал? Со тодэ вал, Исаакез курбонэ вайыны кулэ шуыса. Пӧяз-а Авраам пинал пиоссэ, куке вераз, Исаак берытскоз шуыса? Ӧз. Библиысь ми тодӥськомы, мар сярысь Авраам со дыре малпаськиз, луоз. (Лыдӟы Еврейёслы 11:19.) Со «оске вал, Инмарлэн [Исаакез] кулэмысь но улӟытыны кужмыз вань шуыса». Зэм, Авраам улӟытонлы оске вал! Со тодаз возиз, Иеговалы луыса солэн но Сарралэн нылпизы вордӥськиз, соос туж арлыдоесь ке но вал (Евр. 11:11, 12, 18). Авраам вала вал, Иегова понна номыр но быгатонтэмез ӧвӧл шуыса. Тани малы солэн юн осконэз вал: мар гинэ медаз луы со секыт нуналэ, Иегова солы яратоно пизэ берыктоз но вань кылсётонъёссэ быдэстоз. Паймонэз ӧвӧл, Авраам «ваньмызлы Инмарлы оскисьёслы атай» шуыса нимамын!
(Улон-вылон 22:12) Кылчин шуиз: «Пинал пи вылэ кидэ эн ӝут, солы номыр но эн кар; уго табере Мон тодӥсько ни, тон Инмарлэсь кышканэн улӥськод шуыса, аслэсьтыд одӥг гинэ вордскем пидэ Мыным сётыны ӧд жаля».
it «Предвидение, предопределение», «Бог пользуется способностью предвидеть избирательно» подзаг., 1, 2 абз.
Азьпалзэ адӟон, азьпалзэ веран
Инмар азьпалзэ адӟыны быгатонлыксэ котьку уг куты. Мукет ласянь, Инмар азьпалзэ адӟыны быгатонлыксэ котьку уг куты ке, со соглаш луыны кулэ Инмарлэн шонерлыко эсэпъёсыныз но соин, мае со усьтэ ачиз сярысь Кылыз пыр. Библиын верамын ӧвӧл, Инмар ваньзэ азьло ик тодэ шуыса. Со дыре ик, Библиын кылбуръёс вань, кудъёсыз возьмато, нырысь Инмар югдурез эскере вал но собере гинэ ужпум кутэ вал.
Кылсярысь, Улон-вылонын 11:5—8 Инмар сярысь вераське, со музъем вылысь ужъёс шоры учкиз, адӟиз, мар Вавилонын лэсьтӥське, но соку гинэ ужпум кутӥз, кызьы шонерлыктэм адямиослэсь малпамзэс сураны. Куке Содом но Гоморра каръёс лек ужъёсын тырмизы, Иегова Авраамлы кутэм ужпумез сярысь вераз: «Учко [кылчинъёс пыр], зэм ик-а соос Мон доры вуэм ӝожтӥськонын кадь уло, яке уг-а,— мыныса тодо» (Ул 18:20—22; 19:1). Иегова Авраамез бырйиз но, куке адӟиз, Авраам Исаакез курбонэ сётыны дась шуыса, вераз: «Табере Мон тодӥсько ни, тон Инмарлэсь кышканэн улӥськод шуыса, аслэсьтыд одӥг гинэ вордскем пидэ Мыным сётыны ӧд жаля» (Ул 18:19; 22:11, 12; ӵошаты Не 9:7, 8; Гл 4:9).
9—15-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 24
Духовной марӟанъёсты утчаськомы
(Улон-вылон 24:19, 20, ВД) Сое сектам бераз шуиз: «Верблюдъёсыдлы но омырто, сюзы юзматозь омыръяло». 20 Соку ик кунганысьтыз вузэ тусе кисьтӥз но нош гудӟем доры ву омыртыны бызьыса мынӥз, вань верблюдъёсызлы омыръяз.
wp16.3 12—13 б.
Со шуиз: «Мыно»
Одӥгаз ӝытэ, куке со, кунганзэ вуэн тырмытыса, кошке вал ини, солэн пумитаз арлыдо пиосмурт бызьыса потӥз. Со шуиз: «Вай кунганысьтыд вудэ ӧжытак юо». Макем востэм но гажаса верам кылъёс! Адӟиське вал, пиосмурт кыдёкысь лыктэмын шуыса. Ревекка соку ик кунганзэ ки вылаз васькытӥз но сое сектаз. Со ӧжытак гинэ ву ӧз сёты, со сое чылкыт, кезьыт вуэн жалятэк сектаз. Озьы ик со адӟиз, кыдёкын ик ӧвӧл дас верблюдъёс кыллё, нош тусьын ву ӧвӧл. Пиосмуртлэн лякыт синъёсыз со шоры учкизы, но солэн солы тросгес юрттэмез потӥз. Соин ик со вераз: «Верблюдъёсыдлы но омырто, сюзы юзматозь омыръяло» (Улон-вылон 24:17—19, ВД).
Висъялэ саклыктэс: Ревекка ӵектӥз верблюдъёслэн сюзы юзматозь ву омыръяны. Сюэз куасьмем верблюд ог сю литр ву юыны быгатэ! Дас верблюдъёслэн ваньзылэн юэмзы туж потэ вал ке, Ревеккалы кӧня ке часъёс ӵоже секыт ужано вал. Но верблюдъёслэн сокем юэмзы ӧз поты, вылды. Тодэ вал-а со сярысь Ревекка, куке соосты люктаны ӵектӥз? Уг. Но арлыдо пиосмуртэз куно карон понна со ваньзэ лэсьтыны дась вал. Пиосмурт соглаш луиз. Собере со сак учкиз, кызьы Ревекка, отчы-татчы бызьылыса, выльысь но выльысь кунганзэ тырмытэ но вуэз тусе кисьтэ (Улон-вылон 24:20, 21).
wp16.3 13 б., сноска
Со шуиз: «Мыно»
Со ӝытазе вал. Библиын уг вераськы, Ревекка гудӟем дорын кӧня ке час вал шуыса. Озьы ик верамын ӧвӧл, со дораз бертыкуз, семьяез изе ини вал шуыса яке кин ке но лыктӥз тодыны, малы со ӝегатскиз.
(Улон-вылон 24:65) Ляльчилы шуиз: «Кин со бусы вылтӥ асьмелэн пумитамы лыктӥсь мурт?» Ляльчи шуиз: «Со мынам кузёе». Со сюлыксэ басьтӥз но шобырскиз.
wp16.3 15 б., 3 абз.
Со шуиз: «Мыно»
Но тани вуиз нунал, кудӥз сярысь статьялэн кутсконаз вераськиз. Негев музъемтӥ верблюдъёс вылын каллен мыныса, ӝомо-югдо вакытэ Ревекка бусыетӥ мынӥсь адямиез адӟиз. Пиосмурт мур малпаськыса мынӥз. Ревекка верблюд вылысь ӝогак васькиз, оло нош, верблюд пыдес вылаз султэмлэсь азьло ик, но Елиезерлэсь юаз: «Кин со бусы вылтӥ асьмелэн пумитамы лыктӥсь мурт?» Со Исаак шуыса тодэмез бере Ревекка йырзэ кышетэн шобыртӥз (Улон-вылон 24:62—65). Малы? Со вуоно картэзлы гажамзэ возьматӥз, луоз. Туннэ сыӵе тэрытскон сям вужмем сям кадь адӟиськоз, дыр. Озьы ке но пиосмуртъёс но, кышномуртъёс но Ревеккалэсь адӟем карыны быгато, кызьы зӥбыт-востэм луыны. Та умой сямез котькудмылэн будэтэммы потэ ук!
16—22-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 25, 26
Духовной марӟанъёсты утчаськомы
(Улон-вылон 25:31—34) Иаков шуиз: «Али мыным вуза нырысь нуны луон праводэ». 32 Исав шуиз: «Тани мон кулӥсько, нырысь нуны луонлэн кулэез мар ке кадь потэ-а мыным?» 33 Иаков шуиз: «Али ик мон азьын кыл сёт». Исав Иаков азьын кыл сётӥз, озьы нырысь нуны луон правозэ Иаковлы вузаз. 34 Иаков Исавлы нянь, ясныклэсь пӧзьтэм сиён сётӥз; со сииз, юиз, собере султыса кошкиз; нырысь нуны луон правозэ Исав кулэтэм кариз.
(Еврейёслы 12:16) Тӥляд пӧлады нокыӵе азыса-калгыса улӥсь яке Исав кадь сьӧлыклэсь кышкасьтэм мурт медаз луы, уго со одӥг тусьты сиён понна нырысь пи луон праволэсь куштӥськиз.
Лыдӟисьёслэн юанъёссы
Табере ойдолэ берытскомы Еврейёслы 12:16 кылбур доры. Отын верамын: «Тӥляд пӧлады нокыӵе азыса-калгыса улӥсь яке Исав кадь сьӧлыклэсь кышкасьтэм мурт медаз луы, уго со одӥг тусьты сиён понна нырысь пи луон праволэсь куштӥськиз». Мае возьмато та кылъёс?
Апостол Павел ӧз вера, кыӵе выжыысь Мессия вордӥськиз. Со ӧтиз христианъёсты: «Шонер вамышъялэ». Солэсь кылзӥськыса, соос Инмарлэн дэлетэзтэк ӧй кыльысалзы. Нош озьы луыны быгатысал, соос азон-калгон сьӧлыке пырысалзы ке (Евр. 12:12—16). Соку соос Исав кадь луысалзы, кудӥз святойзэ ӧз дунъя, нош нырысь ик аслаз мыл потонъёсыз сярысь малпаськиз.
Исав улӥз со дыръёсы, куке семья йыръёс семьязылы священник луо вал. Соин ик, вылды, Исавлы куддыръя дан усе вал Инмарлы курбон сётыны (Ул.-выл. 8:20, 21; 12:7, 8; Иов 1:4, 5). Но со нырысь ик аслаз мыл потонъёсызлы саклык висъяз. Соин ик со вань дано ужъёсты, кудъёсыз нырысь пи луонэн герӟаськемын вал, одӥг тусьты сиёнэн воштӥз! Оло нош, солэн палэнскемез потӥз со курадӟонъёслэсь, кудъёсыз сярысь Инмар азьло ик вераз, Авраам выжыысь потэмъёс соосты чидано луозы шуыса (Ул.-выл. 15:13). Озьы ик Исав возьматӥз, святойзэ уг дунъя шуыса, куке аслыз кык кышно басьтӥз мукет калыкысь, кудӥз Иеговалы уг йыбыртъя вал. Соин сэрен солэн атаез но анаез туж ӝоже усизы (Ул.-выл. 26:34, 35). Нош Иаков аслыз кышнолы бырйиз зэмос Инмарлы йыбыртъясь нылмуртэ (Ул.-выл. 28:6, 7; 29:10—12, 18).
Озьыен, кыӵе йылпумъян лэсьтыны луоз со пиосмуртъёс сярысь, кудъёсызлэн выжыысьтызы Мессия вордӥськиз? Тросэз соос пӧлысь нырысь вордскем пиос вал, нош мукетъёсыз ӧй вал. Еврейёс сое тодӥзы, но со соослы паймымон ӧз поты. Соос тодо вал, Христос Давид выжыысь вордӥськиз шуыса, Иессейлэн пичи пиезлэн выжыысьтыз (Матф. 22:42).
(Улон-вылон 26:7) Со интыын улӥсьёс солэсь кышноез сярысь юазы; со соослы шуиз: «Со мынам сузэре», «Та мынам кышное» шуыны кышказ уго, со малпаз, Ревекка понна татын улӥсьёс сое виёзы, уго Ревекка туж чебер вал.
it «Ложь», 7 абз.
Пӧяськон
Адями кинлы ке уродзэ лэсьтыны тыршыса пӧя ке, Библия сое урод ужен лыдъя. Но адямилэн мае ке тодыны правоез ӧвӧл ке, солы ваньзэ вератэк но луоз. Иисус Христос вераз: «Святой макеез пуныослы эн сётэ; марӟандэс но парсьёс азе эн куялэ — пыдынызы медаз лёгалэ, берыктӥськыса асьтэдыз медаз кесялэ» (Мф 7:6). Соин ик Иисус куддыръя ваньзэ уг вера вал яке куд-ог юанъёслы шонерак валэктон уг сёты вал, куке солэн верамез кинлы ке уродзэ лэсьтыны быгатэ вал (Мф 15:1—6; 21:23—27; Ин 7:3—10). Озьы ик, дыр, учкыны кулэ Авраамлэн, Исааклэн, Раавлэн но Елисейлэн ужъёссы шоры, куке соос Иеговалы оскисьтэм адямиослэсь визьзэс тугазы яке ӧз вералэ соослы озьы, кызьы вань (Ул 12:10—19; 20 люкет; 26:1—10; ИсН 2:1—6; Иак 2:25; 4Эк 6:11—23).
23—29-ТӤ ЮЖТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 27, 28
Духовной марӟанъёсты утчаськомы
(Улон-вылон 27:46—28:2) Соку Ревекка Исааклы шуиз: «Хеттей нылъёсын огазьын улонлы мон уг шумпотӥськы; Иаков но та музъемысь хеттей нылэз кышно басьтоно луиз ке, соку мынам улэме но уг ни поты».
28 Исаак Иаковез ӧтьытӥз но сое бакель кариз, косон сётыса, солы шуиз: «Ханаан нылъёс пӧлысь кышно эн басьты; 2 султы, Месопотамияе, Вафуил ӵужатаедлэн юртаз, мын, отысь Лаван ӵужмуртэдлэсь нылзэ кышно басьты;
w06 15/4 6 б., 3, 4 абз.
Кызьы семьяын ог-огдэ валаса улоно
Быгатӥзы-а Исаак но Ревекка ог-огзэс валаса улыны? Куке Исав пизы кык хеттей нылъёсты кышно басьтӥз, соослэн семьяязы бадӟым шуг-секыт кылдӥз. Ревекка Исааклы вераз: «Хеттей нылъёсын огазьын улонлы мон уг шумпотӥськы; Иаков но [покчиез пизы] та музъемысь хеттей нылэз кышно басьтоно луиз ке, соку мынам улэме но уг ни поты» (Улон-вылон 26:34; 27:46). Озьы со сюлмаськемзэ шонерак вераз.
Исаак кышнозэ валаз но Иаковлы, Исавлэн кыкто вынызлы, вераз, ханаан нылъёсты кышно медаз басьты шуыса (Улон-вылон 28:1, 2). Озьыен, Исаак но Ревекка быгатӥзы огкыл шедьтыны сыӵе юанъёсын но, кытын тужгес но шӧдӥсь-валась луоно вал. Макем умой адӟем карон соос кельтӥзы! Нош мар кароно, кузпалъёс ог-огзэс валаса улыны уг быгато ке?
(Улон-вылон 28:12, 13) Уйвӧтаз со адӟиз: музъем вылын тубат сылэ, нош солэн йылыз инбаме пыкиське. Инмарлэн Кылчинъёсыз со кузя тубало, васькало. 13 Отын, солэн вылӥяз, Кузё-Инмар сылэ но шуэ: «Мон — Кузё-Инмар, тынад атаедлэн Авраамлэн Инмарез, Исааклэн Инмарез. Мон тыныд но, тынад выжыедлы но та музъемез, али кыллён интыдэ но сёто.
w04 15/1 28 б., 5 абз.
Улон-вылон книгаысь тунсыко малпанъёс — ІІ люкет
28:12, 13 — Мае возьматэ Иаковлэн уйвӧтэз, кудаз со тубатэз адӟиз? Со вылӥе ӝутскись изъёслэсь тубат вал, дыр. Тубат возьматэ вал, музъем но ин вискын герӟет вань шуыса. Кылчинъёслэн тубаттӥ тубамзы но васькамзы возьматэ вал, кылчинъёс Инмарлы ярамон адямиослы Инмарен кусып возьыны юртто шуыса (Иоанн 1:51).
30-ТӤ ЮЖТОЛЭЗЬ — 5-ТӤ ОШТОЛЭЗЬ
ИНМАРЛЭН КЫЛЫСЬТЫЗ УЗЫРЛЫК | УЛОН-ВЫЛОН 29, 30
Духовной марӟанъёсты утчаськомы
(Улон-вылон 30:3) Рахиль шуиз: «Тани мынам медо нылы Валла, пыр со доры, мынам алвылам со нуны мед ваёз, мынам но со пыр нуные мед луоз».
it «Усыновление», 3 абз.
Аслыз нылпи карон
Рахиль но Лия асьсэлэн пиоссы шуыса лыдъязы нылпиосты, кудъёссэ Иаковлы соослэн медо нылъёссы вайизы. Соос веразы, со нылпиос соослэн алвылазы ваемын шуыса (Ул 30:3—8, 12, 13, 24). Со нылпиос сыӵе ик люкет басьтыны кулэ вал, кызьы нылпиос, кудъёссэ Иаковлэн кышноосыз вайизы. Соос Иаковлэсь вордӥськизы но, соослэн анайёссы Иаковлэн кышноосызлэн медо нылъёссы вал бере, Рахильлэн но Лиялэн со пиосты асьсэлэн нылпиоссы шуыса лыдъяны правозы вал.
(Улон-вылон 30:14, 15) Чабей аран вакытэ Рувим мынӥз но бусыысь мандрагор улмоос шедьтӥз, соосты анаезлы, Лиялы, вайиз. Соку Рахиль Лия апаезлы шуиз: «Пиедлэсь бичам мандрагоръёссэ вай мыным». 15 Нош Лия солы шуиз: «Эшшо уг на тырмы-а тыныд — картме киултӥд, табере пиелэсь мандрагоръёссэ курыса ёртӥськод на-а?» Рахиль шуиз: «Пиедлэн мандрагоръёсыз понна та уе со тонэн артэ мед выдоз».
w04 15/1 28 б., 6 абз.
Улон-вылон книгаысь тунсыко малпанъёс — ІІ люкет
30:14, 15 — Малы Рахиль мандрагоръёс понна Лиялы Иаковен кӧлыны лэзиз? Вашкала дыръёсы мандрагор емышъёсты эмъяськонын наркотик кадь но спазмолитической эмъюм кадь кутылӥзы. Лыдъязы, соос пиосмуртлэсь но кышномуртлэсь ӵош кӧлыны мылкыдзэс ӝуато но трос нылпи вайыны юртто шуыса (Кырӟанъёс пӧлысь кырӟан 7:14). Библиын валэктэмын ӧвӧл, малы Рахиль мандрагоръёсты басьтӥз. Со малпаз, дыр, соос солы нылпи вайыны юрттозы но озьы со вылысь сӥтэм-сантэм луон басьтӥськоз шуыса. Нош Иегова кӧня ке ар ортчыса гинэ «солэсь нуны вайыны пушсэ усьтӥз» (Улон-вылон 30:22—24).