Котькуд адямилы ӟеч иворез вераськомы

Израиль калыклэн станаз ваньмыз радъямын вал. Озьы ик туннэ но Иеговалэн калыкез радъямын солэсь эриксэ быдэстон понна. Филиалъёс, кенешъёс, тодытон ужез нуись группаос — ваньмыз со радъямын Эксэйлык сярысь ӟеч иворез умойгес веран понна. Ми котькинлы ӟеч иворез вераськомы, солы но, кин мукет кылын вераське (Усьт 14:6, 7).

Малпаськид-а тон куке мукет кылэз дышетон сярысь адямиослы ӟеч иворез веран понна? Мукет кылэз дышетыны тынад дырыд ӧвӧл ке но, JW Language приложение юрттоз тыныд кӧня ке ке но огшоры вакчи кылъёсты дышетыны. Тыршы со дышетэм кылъёстэ ужан-тыршонын кутыны. Соку тон сыӵе ик шумпотон басьтод, вылды, кыӵе шумпотон басьтӥзы нырысетӥ даурысь агайёс, кудъёсыз мукет калыкысь адямиослы «Инмарлэн быдӟым ужъёсыз сярысь» веразы соослэн вордскем кылынызы (Ап 2:7—11).

УЧКЫ «ПРОПОВЕДУЙ ИНОСТРАНЦАМ» МУЛЬТФИЛЬМЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кыӵе учыръёсын тыныд юрттоз JW Language приложение?

• 

  Вера та приложенилэсь куд-ог аспӧртэмлыкъёссэ.

• 

  Кыӵе кылъёсын верасько тӥ палан улӥсь адямиос?

• Мар кароно, ужан-тыршонын тон пумитад ке мукет кылын вераськись адямиез, кудӥзлэн Эксэйлык сярысь иворез кылзэмез потэ? (od-U 100—101 б., 39—41 абз.).