ХРИСТИАН УЛОН

Уже кут выль дышетон пособиосты

Макем ми шумпотӥськомы адямиосын Библиез дышетон понна выль брошюралы но выль книгалы! Ми Иеговалы вӧсяськиськомы, со мед юрттоз шуыса тросгес адямиосын Библиез дышетыны (Мф 28:18—20; 1Кр 3:6—9). Кызьы та выль тӥрлыкъёсты уже кутоно?

«Пумтэм вапумъёс ӵоже шумпотыса улэ!» пособие чылкак выль дышетон амал ӵектэ. Котькуд уроклы дасяськыa. Дышеты татын ӵектэм амалъя.

Дышетскисен ӵош материалэз лыдӟе но юанъёсты эскере.
Дышетскисьлэсь саклыксэ висъя «Лыдӟе» шуыса пусъем кылбуръёслы. Юртты солы валаны, кызьы та кылбуръёс эскериськись темаен герӟаськемын.
Вань видеороликъёсты учке но сётэм юанъёсын соосты эскере.
Котькуд пумиськонады одӥг урокез эскерыны тырше.

Ужан-тыршонын адямилы нырысь ик брошюраез ӵекты. Озьы тон валалод, тунсыко-а солы Библиез дышетон. (Учкы «Кызьы ӵектоно „Пумтэм вапумъёс ӵоже шумпотыса улэ!“ брошюраез» рамкаез.) Тӥ адямиен брошюраез эскерыса быдтӥды ке но солэн дышетэмез потэ на ке, ӵекты солы книгаез но сое 4-тӥ урокысен эскере. Тон кинэн ке Библиез дышетӥськод ке «Малы дышетэ Библия?» яке «Инмарлэн яратоназ улоно» (ӟуч) книгаосъя, кутскы соин «Пумтэм вапумъёс ӵоже шумпотыса улэ!» книгая дышетыны. Ачид малпа, кыӵе урокысен дышетыны кутскод.

Со ик кузпалъёс та пиосмуртэн выль книгая Библиез дышето.

УЧКЫ «ӦТИСЬКОМЫ ТӤЛЕДЫЗ БИБЛИЕЗ ДЫШЕТЫНЫ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

Мар тодоз дышетскись, Библиез выль книгая дышетыса?
Малы та видеороликез возьматоно адямилы, кудӥныз тон Библиез дышетод?
Мар карыны дышетскисьлэсь мылкыдзэ ӝутоно? (Учкы «Котькуд люкетлэн валтӥсь малпанъёсыз но ужпумъёсыз» рамкаез.)

a ВАЛЭКТОН. «Тросгес тодэ» рамкаысь вань материалэз адямиен одно ик эскероно ӧвӧл ке но, дасяськыкуд отысь вань статьяосты лыдӟы но вань видеороликъёсты учкы. Со юрттоз тыныд валаны, мае дышетскисен ӵош эскероно. Книгалэн электрон вариантаз статьяослы но видеороликъёслы ссылкаос вань.

КОТЬКУД ЛЮКЕТЛЭН ВАЛТӤСЬ МАЛПАНЪЁСЫЗ НО УЖПУМЪЁСЫЗ
	УРОКЪЁС	ВАЛТӤСЬ МАЛПАНЪЁС	ДЫШЕТСКИСЬЛЫ УЖПУМЪЁС
1	1—12	Тодэ, кыӵе пайда вае Библия но кызьы тодматсконо солэн Автореныз.	Дышетскисьлэсь мылкыдзэ ӝут Библиез лыдӟыны, дышетонлы дасяськыны но кенешлэн пумиськонъёсаз ветлыны.
2	13—33	Тодэ, мар кариз ми понна Инмар но кызьы солы шонер йыбыртъяно.	Дышетскисьлэсь мылкыдзэ ӝут тодэмзэ мукетъёсызлы вераны но ивортӥсь луыны.
3	34—47	Тодэ, мар возьма Инмар аслаз ужась-тыршисьёсызлэсь.	Дышетскисьлэсь мылкыдзэ ӝут улонзэ Иеговалы сӥзьыны но пылатӥськыны.
4	48—60	Тодэ, кызьы Инмарлэн яратоназ улоно.	Юртты дышетскисьлы осконзэ будэтыны но валаны, мар ӟечез луэ, нош мар — уродэз.