Янгыш-а Инмар курадӟонъёсмы понна?

Библиысь валэктон

Библия валамон вера, Инмар янгыш ӧвӧл шуыса! Иегова Инмар ӧз малпа вал, адямиос мед курадӟозы шуыса. Нош нырысетӥ адямиос, Адам но Ева, Инмарлэн кивалтэтэзлы пумит султӥзы. Соослэн асьсэлэн быръемзы потӥз, мар ӟечез, нош мар уродэз луэ. Соос Инмарлэсь палэнскизы но соин сэрен шуг-секытъёсын пумиськизы.

Туннэ ми соослэн кутэм ужпумзылэн урод бервылъёсыныз пумиськиськомы. Нош Инмар курадӟонъёс понна нокызьы но янгыш ӧвӧл.

Библиын гожтэмын: «Визь сынаськон лыктыку нокин но медаз шуы: „Инмар визьме сына“. Нокыӵе но урод ужлэн Инмарлэсь визьзэ сынамез уг луы, Инмар Ачиз но нокинлэсь визьзэ уг сына» (Иаков 1:13). Курадӟонъёсын котькыӵе адямиос пумисько, озьы ик соос но, кинъёс Инмарлы ярамон луо.