«Мае Инмар огазеяз...»

Моисей законъя пиосмуртлы, кудӥз кышноеныз люкиськыны малпа вал, документ дасяно вал. Сыӵе косон малпамын вал, шӧдске, люкиськыны ужпум дыртыса медаз кутэ шуыса. Нош Иисус улон нуналъёсы религиозной кивалтӥсьёс люкиськонэз капчиятӥзы. Пиосмуртъёслы кышноосынызы котькыӵе муген люкиськыны яра вал (nwtsty-U эскерон понна материалъёс (Мк 10:4, 11)). Фарисейёсын вераськыкуз, Иисус пусйиз, кузпалъёсты ачиз Иегова огазея шуыса (Мк 10:2—12). Инмарлэн малпамезъя, кузпалъёс быдэс улонзылы огазеяськыны но «одӥг лулмугор» луыны кулэ. Кызьы адӟиське Матфейлэсь 19:9 кылбурысь, Библияя люкиськон понна одӥг гинэ муг вань — со азон-калгон.

Туннэ тросэз адямиос кузпалъяськон шоры Иисус сямен уг учко, нош фарисейёс сямен учко. Куке шуг-секытъёс кылдо, соос малпало, люкиськыса соосты капчиен сэрттыны-пертчыны луэ шуыса. Нош христиан семьяосын кузпалъёс кузпалъяськыкузы сётэм кылзылы оскымон кылё но шуг-секытъёссэс вормыны тыршо, Библиысь визь-кенешъёсты уже кутыса. «Крепкая семья строится на любви и уважении» видеороликез учкы но гожтэм юанъёслы валэктонъёс сёт:

• 

  Кызьы кузпалъёс Мадёнъёсысь 15:1 визь-кенешез уже кутыны быгато но малы со кулэ?

• Кызьы Мадёнъёсысь 19:11 визь-кенеш шуг-секытъёслэсь палэнскыны юрттоз?

• Тӥ уд тодӥське ке, кызьы кузпалэныды кусыпъёстэс тупатыны, кыӵе юан вылын малпаськоно, люкиськон сярысь малпаськон интые?

• Кызьы Матфейлэсь 7:12 возет юрттоз тӥледлы умойгес кузпал луыны?