«Улон но ужан-тыршон» ужан тетрадьлы малпанъёс
5—11-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | ИОАНН 20, 21
Духовной марӟанъёсты утчаськомы
(Иоанн 20:17) Иисус солы шуиз: «Мон борды эн йӧтӥськы, Мон уго Атае доры ӧй на ӝутскы. Мынам братъёсы доры мын но соослы вера: Аслам Атае доры, тӥляд Атайды доры, Аслам Инмаре доры, тӥляд Инмарды доры, ӝутскисько».
nwtsty эскерон понна материал (Ин 20:17)
Мон борды эн йӧтӥськы Ха́птомаи грек кыл «йӧтӥськыны» шуэмез но, «кутӥськыса улыны; ӝабырскыны» шуэмез но возьматыны быгатэ. «Выль дуннелэн берыктэмаз» Иисуслэн та кылъёсыз тазьы берыктэмын: «Мон борды кутӥськыса улэмысь дугды». Та учырын Иисус пумит ӧй вал, дыр, Магдалина Мария со борды мед йӧтӥськоз шуыса, малы ке шуоно со номыр ӧз вера кышномуртъёслы, кудъёсыз, улӟем Иисусэз адӟыса, солэн пыд бордаз кутӥськизы (Мф 28:9). Магдалина Мария кышказ, луоз, Иисус али ик ини инме тубоз шуыса. Мариялэн туж потэ вал, Кузёез медаз кошкы шуыса. Соин ик со Иисус борды кутӥськиз но сое уг лэзьы вал. Иисуслэн Марияез оскытэмез потэ вал, та дыре со нокытчы уг кошкы шуыса. Соин ик Иисус куриз сое со борды кутӥськыса улэмысь дугдыны но, дышетскисьёс доры мыныса, вераны, со улӟиз шуыса.
(Иоанн 20:28) Фома Солы ответ сётыса шуиз: «Мынам Кузё-Инмаре, мынам Инмаре!»
nwtsty эскерон понна материал (Ин 20:28)
Мынам Кузё-Инмаре, мынам Инмаре! Куд-ог тодосчиос лыдъяло, Фома Иисуслы тазьы вазиськиз ке но, зэмзэ ик со Инмар сярысь, Атаез сярысь, вераз шуыса. Мукетъёсыз малпало, грек кылын гожтэмез лыдэ басьтыса, та кылъёс Иисус сярысь верамын вал шуыса. Озьы ке но, «Мынам Кузё-Инмаре, мынам Инмаре» веран быдэс Священной Гожтэмен соглаш луыны кулэ. Кӧня ке азьлогес Иисус дышетскисьёслы вераны косӥз: «Аслам Атае доры, тӥляд Атайды доры, Аслам Инмаре доры, тӥляд Инмарды доры, ӝутскисько» (Ин 20:17). Соин ик малпаны уг луы: Фома оскиз, Иисус — Ваньмызлэсь кужмо Инмар шуыса. Фома кылӥз, кызьы Иисус, аслаз Атаезлы вӧсяськыкуз, солы «одӥг гинэ зэм Инмар» шуыса вазиськиз (Ин 17:1—3). Тани кӧня ке мугъёс, малы Фома Иисусэз «мынам Инмаре» шуыны быгатэ вал. Иисус зэмзэ ик инмар, нош Ваньмызлэсь кужмо Инмар ӧвӧл. (Учке эскерон понна материалэз (Ин 1:1)a.) Со сяна, Фома Иисуслы вазиськыны быгатэ вал озьы ик, кызьы вашкала дыръёсы Инмарлэн ужась-тыршисьёсыз Иеговаен ыстэм кылчинъёслы вазиськылӥзы. Адямиос, кудъёсыз кылчинъёсын вераськизы, яке соос, кинъёс та учыръёс сярысь гожъязы, кылчинъёсты Иегова Инмар шуыса нимазы. (Ӵошатэ Ул 16:7—11, 13; 18:1—5, 22—33; 32:24—30; Сд 6:11—15; 13:20—22.) Нош Фома Еврей Гожтэмъёсысь та люкетъёсты умой тодэ вал. «Мынам Инмаре» верамезлэн сыӵе пуштросэз вал ке, соку Фомалэн возьматэмез потэ вал, со Иисусэз зэмос Инмарлэн ыстэм муртэныз лыдъя шуыса.
12—18-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 1—3
Духовной марӟанъёсты утчаськомы
(Апостолъёслэн ужъёссы 3:15) Улон Сётӥсез тӥ вииды! Но Инмар Сое кулэмысь улӟытӥз. Тае ваньзэ асьмеос ас синмынымы адӟисьёс луиськомы.
it «Иисус Христос», «Предводитель жизни» подзаг., 1 абз.
Иисус Христос
«Улонлэн Кузёез». Иеговалэн ӟечлыкез адӟиськиз, Иисус Христос аслэсьтыз тырбыдэс адями улонзэ курбонэ сётӥз шуыса. Солы луыса Христослэн быръемъёсыз быгато соин ӵош солэн Ин Эксэйлыказ кивалтыны, нош мукет адямиос — со Эксэйлык кивалтэм улсын музъем вылын улыны (Мф 6:10; Ин 3:16; Еф 1:7; Евр 2:5; учке ВЫКУП). Озьы Иисус вань адямиослы «улон Сётӥсь», яке «улонлэн Кузёез», луиз (Ап 3:15). Та кылбурын кутэм грек кыл ӵем дыръя возьматэ «кузёйыр» шуэмез. Ӵапак озьы берыктэмын солы тупась кыл, кудӥз Моисейлэсь Израильын кыӵе инты басьтэмзэ возьматэ (Ап 7:27, 35).
(Апостолъёслэн ужъёссы 3:19) Озьыен, тӥляд сьӧлыкъёсты мед ӵушиськозы шуыса, ӧпкельыса сьӧлыкъёстылэсь куштӥське но Кузё-Инмар пала берытске.
cl 265 б., 14 абз.
«Сьӧлыкъёсты куштыны яратӥсь Инмар»
14 Апостолъёслэн ужъёсазы 3:19 Иеговалэн простить каремез сярысь верамын: «Тӥляд сьӧлыкъёсты мед ӵушиськозы шуыса, ӧпкельыса сьӧлыкъёстылэсь куштӥське но Кузё-Инмар пала берытске». Грек кыл, кудӥз ӵушиськыны шуыса берыктэмын, озьы ик возьматэ «ӵушылыны... воштыны яке быдтыны» шуэмез. Куд-ог тодосчиос малпамъя, татын сьӧлыкъёсты куштон ӵошатӥське гожтэмез ӵушылонэн. Вашкала дыръёсы чернила ӵем дыръя, су, сир но ву сураса, лэсьто вал. Гожтэм дырысен трос дыр ӧз ортчы на ке, сыӵе чернилаен гожтэмез кот губкаен ӵушылыны луэ вал. Со туж умой возьматэ, макем гажась-жалясь Иегова! Простить карыса, Иегова губкаен кадь сьӧлыкъёсмес ӵушылэ.
19—25-ТӤ ШУРКЫНМОН
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 4, 5
Духовной марӟанъёсты утчаськомы
(Апостолъёслэн ужъёссы 4:11) Иисус — Со из, тӥледын, лэсьтӥськисьёсын, кулэтэм карем, корка сэреглы инъет луэм из. Со бордын сяна, нокин бордын но утиськон ӧвӧл.
it «Краеугольный камень», «Переносное и символическое значение» подзаг., 4 абз.
Инъетлэн возись изэз
Псалтирьын 117:22 верамын, корка пуктӥсьёслэн куштэм иззы «корка сэреглэн улаз инъет йыр» (еврей кылын рош пинна́; «сэреглэн йырыз») луыны кулэ вал шуыса. Та азьпалзэ ивортон сярысь веракуз, Иисус ассэ «корка сэреглэн улаз инъет йырын» (грек кылын кефале́ гони́ас; «сэреглэн йырыз») ӵошатӥз (Мф 21:42; Мк 12:10, 11; Лк 20:17). Куд-ог коркаосын туж кулэ луись из вал, кудӥз корка сэреглэн вылаз понэмын вал. Зырӟем христианъёслэсь кенешсэс ӵошатыны луэ коркаен, Инмарен пуктэм храмен, нош Иисус Христосэз — та кенешлэн йырыныз. Пётр но Псалтирез 117:22 Христосэн герӟаз. Со возьматӥз, Иисус со «из» вал шуыса, кудзэ адямиос кулэтэм каризы, нош Инмар бырйиз, но кудӥз «корка сэреглы инъет» луиз (Ап 4:8—12; озьы ик учке 1Пт 2:4—7).
(Апостолъёслэн ужъёссы 5:1) Анания нимо пиосмурт но Сапфира кышноеныз музъемзэ вузаз.
w13 1/3 15 б., 4 абз.
Пётр но Анания пӧяськизы. Малы ми татысь дышетскиськомы?
Анания кышноеныз ваньбурзэ вузаз, алигес пылатӥськем дышетскисьёслы юрттон понна. Куке Анания коньдонэз апостолъёс доры вайиз, со вераз, вуз карыса басьтэм вань коньдонэз сётэ шуыса. Нош со зэм ӧй вал! Коньдонлэсь оглюкетсэ со аслыз кельтӥз! Инмар сое Пётрлы усьтӥз, но Пётр Ананиялы вераз: «Тон адямиосыз ӧд ӧрекча, Инмарез ӧрекчад». Та кылъёсты кылэм бераз Анания пограз но кулӥз. Ог куинь час ортчыса, солэн кышноез лыктӥз. Кузпалэныз мар луэмзэ тодытэк, со но пӧяськиз но кулӥз.
26-ТӤ ШУРКЫНМОН — 2-ТӤ ТОЛСУР
ИНМАРЛЭН КЫЛЫСЬТЫЗ УЗЫРЛЫК | АПОСТОЛЪЁСЛЭН УЖЪЁССЫ 6—8
Духовной марӟанъёсты утчаськомы
(Апостолъёслэн ужъёссы 6:15) Собере ваньмыз сӥнедрионын пукисьёс Стефан шоры учкизы: солэн ымнырыз Кылчинлэн ымнырызлы укшась луиз шуыса адӟизы.
Стефан Инмарлэн дэлетэныз но кужыменыз тыр луиз
2 Та дыре Стефанлэн ымнырыз паймымон воштӥське. Абдрам судьяос, солэн ымнырыз шоры учкыса, адӟо, со «Кылчинлэн ымнырызлы укшась луиз шуыса» (Ап. уж. 6:15). Кылчинъёс Иегова Инмарлэсь иворъёссэ верало, соин ик соос уг кышкало но соос зӥбытэсь но сюлмаськисьтэмесь. Озьы ик Стефан сярысь но вераны луэ; судьяос но, кудъёсыз сое адӟемпотостэм каро, адӟо, со уг кышка шуыса. Кызьы со ассэ озьы возьыны быгатэ?
(Апостолъёслэн ужъёссы 8:26—30) Филипплы Кузё-Инмарлэн Кылчинэз шуиз: «Султы но лымшор пала, Иерусалимысь Газае васькись сюрес вылэ, мын. Со калыктэм инты». 27 Со султӥз, отчы мынӥз. Тани, Эфиопияысь адями, евнух, Эфиопияысь эксэй кышномуртлэн, кандакиялэн, юртаз кузёйыр, солэсь вань узырлыксэ возьмаса улӥсь мурт, Иерусалиме йыбырттыны вуылӥз. 28 Бертон сяменыз, уробояз пукыса, Исаия пророклэсь гожъямзэ лыдӟыса мынӥз. 29 Дух Филипплы шуиз: «Мын та уробо вӧзтӥ». 30 Филипп матаз мынӥз. Уробоын пукись Исаия пророклэсь гожъямзэ лыдӟе шуыса кылэм бераз солы шуиз: «Мар лыдӟиськод, валаськод-а?»
Иисус сярысь ӟеч иворез тодытӥськомы
16 Туала христианъёс сыӵе ик уже пырисько, кудаз Филипп пыриськиз. Куддыръя соос адямиослы Эксэйлык сярысь иворез, мар ке карыку, вераны быгато, кылсярысь, кытчы ке мыныку. Ӵем дыръя, куке соос зэмлыкен тунсыкъяськись адямиосын пумисько, вераны уг луы, со озьы тупаз гинэ шуыса. Со озьы ик луыны кулэ. Библиын валамон верамын, тодытон ужен кылчинъёс кивалто шуыса, соин ик ивор «вань выжыос, пӧртэм кылын вераськисьёс, калыкъёс, улыос-бечеос» доры вуэ (Усьт. 14:6). Кылчинъёс тодытон ужен кивалтозы шуыса, Иисус азьло ик вераз. Чабей но букро сярысь мадёнын со валэктӥз, аран дыръя, та дуннелэн бырон дыръяз, «арасьёс — со Кылчинъёс» шуыса. Эшшо Иисус вераз на, соос «Солэн Эксэйлыкысьтыз сьӧлыке пыртӥсь вань пӧяськетъёсты, законлы пумит улӥсьёсты люкалозы» шуыса (Матф. 13:37—41). Со дыре ик кылчинъёс люкалозы соосты, кинъёс ин Эксэйлыкын кивалтозы, нош собере туж трос «мукет ыжъёсты», кудъёссэ Иеговалэн аслаз организацияз ваемез потэ (Усьт. 7:9; Иоанн 6:44, 65; 10:16).
[Сноска]
a Ватсам валэктонъёс
Кыл Инмар вал Яке «Кыл Инмарлы кельше вал». Татын Иоанн валэктэ Кыллэсь (грек кылын хо Ло́гос; учкы та кылбурлы ик Кыл эскерон понна материалэз), яке Иисус Христослэсь, кыӵе луэмзэ. Инмар Иисусэз ваньмызлэсь азьло кылдытӥз но ваньмыз со пыр кылдытэмын вал бере, Кыл, Инмарлэн мукет кылдытэмъёсыз сярысь, вылӥегес инты басьтэ. Соин ик сое «инмар; Инмарлы кельшись» шуыса ниманы луоз. Тросэз берыктӥсьёс та веранэз «Кыл Инмар вал» шуыса берыкто, Кылэз Ваньмызлэсь кужмо Инмарен одӥг радэ пуктыса. Нош Иоанн уг вера вал, Кыл — со Ваньмызлэсь кужмо Инмар шуыса. Тани куд-ог мугъёс, малы со озьы. Нырысь ик, 1-тӥ но 2-тӥ кылбуръёсын верамын, Кыл «Инмар дорын» вал шуыса. Озьы ик, лыдэ басьтоно, та кылбуръёсын тео́с грек кыл куинь пол пумиське шуыса. Нырысетӥ но куинетӥ учыръёсын со кутӥське грек кылын, кудӥз возьматэ, Ваньмызлэсь кужмо Инмар сярысь вераське шуыса, нош кыкетӥяз та кыл ӧвӧл. Тросэз тодосчиос соглаш, сое лыдэ басьтоно шуыса. Со кыл гожтэмын луысал ке, со возьматысал, Ваньмызлэсь кужмо Инмар сярысь вераське шуыса. Нош со гожтэмын ӧвӧл бере, тео́с кыл возьматэ Кыллэсь кыӵе луэмзэ. Соин ик Библилэн англи, француз но немец кылъёсы куд-ог берыктэмъёсаз та кылбур берыктэмын «Выль дуннелэн берыктэмаз» сямен. Отын Кыл «инмар», «Инмарлы кельшись» шуыса нимамын. Со соглаш луэ Иоаннлэсь Евангелизэ копт кыллэн саид но бохайр диалектъёсаз вашкала берыктэмъёслы (малпало, соос а. в. III но IV дауръёсы лэсьтэмын вал шуыса), кудъёсаз тео́с кыл Ин 1:1 нырысетӥ но кыкетӥ учыръёсын пӧртэм сямен берыктэмын. Со берыктэмъёсын верамын Кыллэн кыӵе луэмез сярысь, со Инмарлы кельше шуыса. Но соос Кылэз но Атайзэ, Ваньмызлэсь кужмо Инмарез, одӥг радэ уг пукто. Со выллем ик, Кл 2:9 верамын, «Инмар луон быдэскыныз Христос бордын» улэ шуыса. Нош 2Пт 1:4 вераське, зырӟем христианъёс гинэ но «Инмар улонлэн люкет басьтӥсьёсыз луыны» быгатозы шуыса. Со сяна, Септуагинтаын тео́с кылын ӵем дыръя берыкто эл но элохи́м еврей кылъёсты, кудъёсыз, кызьы малпало, «кужмо» луонэз возьмато. Та еврей кылъёс кутӥсько вал, Иегова, мукет инмаръёс но адямиос сярысь вераку. Соин ик, Кылэз «инмар», яке «кужмо», нимано ке, со соглаш луоз Ис 9:6 азьпалзэ ивортонлы, кытын верамын, сӥзем Мессиялы «Кужмо инмар» («Ваньмызлэсь кужмо Инмар» ӧвӧл) но солэн кивалтэтэзлэсь кылзӥськись адямиослэн «Пумтэм вапумъёслэн Атайзы» нимъёс сётозы шуыса. Та азьпалзэ ивортон быдэсмоз Атаезлэн, «Саваоф Кузё-Инмарлэн», сюлмаськон-тыршонэзлы луыса (Ис 9:7).