Кызьы вераськонэз кутсконо, буклетэз уже кутыса

2018-тӥ арын толшорысен кутскыса, «Улон но ужан-тыршон» ужан тетрадьлэн нырысетӥ бамаз вераськон амалъёс печатласько. Малы? Ми адямиосын вераськыны мед тыршомы, нош публикациос гинэ медам кельтэ шуыса. Ивортӥсьёслы адямиосын вераськыны юрттон понна, видеороликъёс поттӥсько, кудъёсаз возьматэмын, кызьы вераськонэз кутсконо, Библиез гинэ уже кутыса. Возьматэ-а со, коркась корка ӟеч иворез веракумы, публикациосты, электрон вариантэн гинэ но, уже кутоно ӧвӧл шуыса? Уг, уг возьматы! Кылсярысь, адямиен вераськыны кутскон понна милемлы юрттоз буклетъёс пӧлысь одӥгез. Кыӵе гинэ буклетэз тон медад бырйы, тазьы карыны луоз:

1. Буклетлэн нырысетӥ бамысьтыз юанэз сёт но вера ӵектэм валэктонъёсты.

2. Возьматы, мар вера Библия, кыкетӥ бамлэн кутсконысьтыз кылбурез лыдӟыса. Адямилэн дырыз вань ке, 2-тӥ но 3-тӥ бамъёсысь куд-ог малпанъёсты лыдӟы но соин ӵош эскеры соосты.

3. Кошкон азяд адямилэсь саклыксэ висъя берпуметӥ бамысь юанлы («Малпаськелэ» подзаголовок) но вераськы Библиысь валэктонэз мукет дыръя эскерыны.

Адямиен кыкетӥзэ вераськыкуд, Библиысь валэктонэз возьматы но вера, кыӵе юанэз эскерыны луоз мукет дыръя. Умой юанъёс шедьтыны луоз сайтысьтымы яке публикациосысь, кудъёсыз буклетлэн берпуметӥ бамаз сётэмын. Тупась дыре уже кут «Инмарлэсь ӟеч ивор» брошюраез яке валтӥсь дышетон тӥрлыкъёс пӧлысь мукет дышетон понна пособиез.