Ужан-тыршон быгатонлыкъёсмес умоятӥськомы. Телефон пыр тодытон

МАЛЫ СО КУЛЭ Телефон пыр тодытонa — ӟеч иворез тодытон понна одӥгез амал (Ап 20:24). Та амал милемлы луонлык сётэ Библиысь иворез вераны соослы, кинъёсын ми кыӵе ке муген сэрен пумиськыны ум быгатӥське.

КЫЗЬЫ СОЕ ЛЭСЬТОНО

• 

  Дасяськы. Малпа, мар сярысь вераськыны адямиослы тунсыко потоз. Собере вакчияк гожты, мар сярысь вералод. Ки улад возь та гожтэмдэ, озьы ик мукет тӥрлыкъёсты но, кудъёсыз тыныд кулэ луозы, вылды, кылсярысь, электрон тӥрлыктэ. Азьло ик усьтыса дася JW Library^® приложениез яке jw.org^® сайтэз.

• 

  Эн сюлмаськы. Адямиен огшоры, дышем сямыдъя вераськы. Пальпот но астэ возь озьы, кызьы астэ возьысалыд адями азьын. Вераськыкуд кулэтэм интые вис эн кары.

• 

  Вераськы, мае эскероды мукет дыръя. Адямилы тунсыко ке, вера солы, кыӵе юанэз эскерыны быгатоды мукет дыръя телефон пыр. Озьы ик тон адямилы быгатӥськод кыӵе ке публикацимес ӵектыны но сое ыстыны электрон почта, огшоры почта пыр яке дораз вайыны. Яке юа, яра-а шуыса солы лэзьыны кыӵе ке статьяез лыдӟон понна яке видеороликез учкон понна ссылкаез электрон почта яке мессенджеръёс пыр. Тупась дыре Библиез дышетонъя онлайн-курсмы сярысь вера (куд-ог кылъёсы гинэ берыктэмын) яке адямилэсь саклыксэ висъя сайтысьтымы малы ке мукетызлы.