Пайдаё визь-кенешъёс. Мае эскерыны луэ

Тросгес тодэ Иеговалэн паймымон сямъёсыз сярысь

Библиез лыдӟыкумы, ми быгатомы эскеронъёс ортчытыны, лыдӟеммес умойгес валан понна. Милям уг поты Библиысь тросгес тодон-валан люкаммы гинэ. Милям потэ, Иеговаен кусыпъёсмы эшшо но юн мед луозы шуыса. Соин ик котьку тыршоно Инмар сярысь мае ке выльзэ тодыны. Библиез лыдӟыкуды, юалэ асьтэлэсь: «Мае мон тодӥ Иегова сярысь та кылбуръёсысь?»

Ми быгатӥськомы саклыкмес висъяны солы, кызьы Иегова возьматэ аслэсьтыз паймымон сямъёссэ, кылсярысь, яратонзэ, визьлыксэ, шонерлыксэ но кужымзэ. Та сямъёс сяна, Иеговалэн вань на трос мукет паймымон сямъёсыз. Кытысь ми соос сярысь тросгес тодыны быгатомы?

Иеговалэн ог 50 сямъёсыз сярысь верамын «Возьмаськон Башнялэн публикациосызлэн индексазы» (ӟуч). Усьтэ «Иегова» заголовокез но быръе «Качества по отдельности» подзаголовокез. Библиысь кыӵе ке учырез лыдӟыкуды, малпаське, Иеговалэсь кыӵе сямзэ адӟыны луэ та учырысь. Собере эскере сое. (Тӥ учкыны быгатӥськоды ке «Иеговалэн Адӟись-Ивортӥсьёсызлэн публикациоссыя эскерыны юрттэтэз» (ӟуч) гинэ, усьтэ «Бог Иегова» заголовокез но шедьтэ отысь «Качества» подзаголовокез.)