Яқуп

4 Араңлардики урушлар вә маҗралар нәдин? Тениңларда җәң қиливатқан шәхсийәтчи интилишлириңлардин әмәсму? 2 Силәр халайсиләр, бирақ еришәлмәйсиләр. Өлтүрисиләр һәм башқисиниңкини халайсиләр, лекин егә болалмайсиләр. Җедәл чиқирисиләр вә күришисиләр. Алалмайсиләр, чүнки соримайсиләр. 3 Сорисаңларму алалмайсиләр, сәвәви, шәхсийәтчи интилишлириңлар үчүн пайдилинишқа, натоғра нәрсә үчүн тиләйсиләр.

4 Һәй, вапасизлар, дуния билән достлишиш — бу Пәрвәрдигар билән дүшмәнлишиш екәнлигини билмәмсиләр? Шуңлашқа, ким дунияниң дости болғуси кәлсә, у Худаға дүшмән болиду. 5 Яки силәр Муқәддәс Язмиларда: «Биздә маканлашқан һәсәтхорлуқ роһи дайим бир нәрсини халайду», дейилгәнни бекар ейтилған дәп ойламсиләр? 6 Амма У көрситиватқан инайәт қүдрәтликтур. Шуңа мундақ ейтилған: «Худа тәкәббурларға қарши туруп, мөмүнләргә мол меһирлик көрситиватиду».

7 Шуниң үчүн, Рәббкә бойсунуп, Иблисқа қарши туруңлар һәм у силәрдин қачиду. 8 Худаға йеқинлишиңлар һәм Уму силәргә йеқинлишиду. Қоллириңларни жуюңлар, гунакарлар вә жүрәклириңларни тазилаңлар, җүръәтсизләр. 9 Қахшаңлар, қайғуруңлар һәм жиғлаңлар. Күлкәңлар қайғуға вә хошаллиғиңлар ғәмгә айлансун. 10 Йәһваниң алдида мөмүнлишиңлар вә У силәрни үстүн көтириду.

11 Қериндашлирим, бир-бириңларни тәңқит қилишни тохтитиңлар. Ким қериндишини әйиплисә яки униң үстидин һөкүм қилса, Худаниң қануниға қарши сөзләп, униң үстидин һөкүм қилған болиду. Әгәр сән Қанун үстидин һөкүм қилсаң, у чағда сән Қанунниң орунлиғучиси әмәс, бәлки һөкүмчисидур. 12 Пәқәт бирла Қанун Бәргүчи һәм Һөкүм Қилғучи бар, У һәм қутқузулайду, һәм һалак қилалайду. Башқа кишиниң үстидин һөкүм чиқиридиған сән ким зади?

13 Әнди силәр: «Бүгүн яки әтә әву шәһәргә баримиз һәм у йәрдә бир жил туруп тиҗарәт қилимиз вә кирим алимиз», дегүчиләр тиңшаңлар. 14 Гәрчә әтә силәр билән немә болудиғанлиғини билмәйдиғанлар, чүнки силәр — бираз вақит пәйда болуп, андин йоқап кетидиған тумансиләр. 15 Буниң орниға мундақ дейишиңлар керәк еди: «Әгәр Йәһва халиса һәм аман болсақ, уни яки буни қилимиз». 16 Силәр болсаңлар, өзәңларға ишинип, мәғрурлиниватисиләр, бундақ мәғрурлинишниң барлиғи — явузлуқ. 17 Демәк, ким тоғра иш қилишни билип туруп, қилмиса, у гуна қиливатиду.